वेस्ट इंडिजविरुद्धच्या पहिल्या एकदिवसीय सामन्यात गुरुवारी पावसानेच अधिक काळ खेळ केला.
प्रोव्हिडन्स (गयाना) - वेस्ट इंडिजविरुद्धच्या पहिल्या एकदिवसीय सामन्यात गुरुवारी पावसानेच अधिक काळ खेळ केला.
सुरवातीच्या पावसाच्या खेळीने "टॉस'ला उशीर झाला. भारताने टॉस जिंकल्यावर वेस्ट इंडिजला फलंदाजीसाठी आमंत्रित केले. सामना 43 षटकांचा करण्यात आला. त्यानंतर डावातील 5.3 षटके होत नाही तोवर पुन्हा पाऊस आला.
तेव्हा विंडीजच्या बिनबाद 9 धावा होत्या. पाऊस थांबल्यावर खराब मैदानामुळे सामना लांबला. तीन वेळी पाहणी केल्यावर सामना 34 षटकांचा करण्यात आला. खेळाला सुरवात झाल्यावर लुईसने बरसायला सुरवात केली. पण, गेल बाद झाला.
लुईस आणखी बरसण्याच्या मूडमध्ये असतानाच पुन्हा पाऊस आला आणि खेळ थांबला तेव्हा विंडीजने 13 षटकांत 1 बाद 54 धावा केल्या होत्या. लुईस 36 चेंडूंत, 2 चौकार, 3 षटकारांसह 40,तर शई होप 6 धावांवर खेळत होता.
