Ramiz Raja PCB : पाकिस्तानचे माजी क्रिकेटपटू रमीझ राजा यांना पाकिस्तान क्रिकेट बोर्डाच्या अध्यक्षपदावरून हटवण्याची प्रक्रिया सुरू झाली आहे. रमीझने अलीकडच्या काळात भारतीय क्रिकेट नियामक मंडळाला अनेक धमक्या दिल्या होत्या आणि कदाचित त्याला त्याची शिक्षाही भोगावी लागत आहे. रमीझने PCB चेअरमन म्हणून उत्तम काम केले आहे. त्याला अशाप्रकारे अचानक काढून टाकणे सर्वांच्याच समजण्यापलीकडे आहे. त्यांच्या जागी नजम सेठी यांची निवड करण्यात आली आहे.
पाकिस्तानचे पंतप्रधान शाहबाज शरीफ यांनी नजम सेठी यांच्या अध्यक्षतेखाली 14 सदस्यीय समिती स्थापन करण्याचा निर्णय घेतला आहे. शाहिद आफ्रिदी आणि सना मीर या माजी पाकिस्तानी क्रिकेटपटूंचाही या समितीमध्ये समावेश करण्यात आला आहे. या वर्षी एप्रिलमध्ये इम्रान खान यांचे पंतप्रधानपद गमावले तेव्हापासूनच राजा यांना धोका निर्माण झाला होता. सप्टेंबर 2021 मध्ये इम्रान यांनीच रमीझ राजा यांची बोर्डाचे 26 वे अध्यक्ष म्हणून बिनविरोध निवड केली होती.
रमीझ राजा अध्यक्ष असताना पाकिस्तान क्रिकेटला खूप फायदा झाला. पाकिस्तानने सलग दोन टी-20 विश्वचषकांमध्ये चांगली कामगिरी केली. एकादा उपांत्य फेरी आणि दूसऱ्यादा फायनल खेळली आहे. याशिवाय आशिया कपचा अंतिम सामनाही खेळला होता. इंग्लंड आणि ऑस्ट्रेलियासारखे संघ पाकिस्तानात जाऊन कसोटी मालिका खेळले आहेत. न्यूझीलंडचा संघ लवकरच पाकिस्तानच्या दौऱ्यावर जाणार आहे. संघाच्या सततच्या यशादरम्यान राजाने एकच गोष्ट केली आहे ज्यावर काही लोकांनी आक्षेप घेतला. रमीझ राजाने पुढच्या वर्षीचा एकदिवसीय विश्वचषक सोडण्याची धमकीही दिली होती.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
