Ravichandran Ashwin : बेअरस्टो - कॅरी वाद! अश्विननं एक वेगळाच अँगल आणला समोर, म्हणतो...

Ravichandran Ashwin Jonny Bairstow Vs Alex Carey : ज्या ज्या वेळी क्रिकेट वर्तुळात खेळभावनेची चर्चा होते त्या त्यावेळी रविचंद्रन अश्विन चर्चेच्या केंद्रस्थानी येतोच. आता अॅशेस मालिकेतील लॉर्ड्स कसोटीत एलेक्स कॅरीने जॉनी बेअरस्टोला रन आऊट केले. यानंतर क्रिकेट वर्तुळात वादंग निर्माण झाले आहे. बेसावध असताना जॉनी ब्रेअरस्टोला कॅरीने डायरेक्ट हिट करत रन आऊट केले. यानंतर खेळ भावनेबाबत जोरदार चर्चा सुरू झाली आहे.

या प्रकरणावर आता अश्विनने आपले मत व्यक्त केले. त्याने ट्विट केले की, 'आपल्याला एका तथ्यावर स्पष्टपणे लक्ष दिलं पाहिजे. त्या कसोटी सामन्यात विकेटकिपर स्टम्पपासून फार लांब नव्हता. विकेटकिपर कसोटीत वेगवान गोलंदाजाविरूद्ध सहसा लांब उभा राहतो. मात्र जर एखादा फलंदाज सारखा सारखा क्रिजच्या बाहेर जात असेल असं लक्षात आल्यानंतर विकेटकिपर जवळ बोलवण्यात येतो.'

अश्विन पुढे म्हणाला की, 'आपण इथं खेळ भावनेला अचानकपणे मधे न आणता त्या वक्तीच्या खेळाबाबतच्या स्मार्टनेसबाबत त्याचं कौतुक करायला हवं.'

ज्यावेळी अश्विनला त्याच्या ट्विटबाबत पत्रकाराने विचारले त्यावेळी त्याला बेअरस्टोला ज्या प्रकारे बाद दिलं तसं तुला दिलं तर आवडेल का? याबाबत अश्विन म्हणाला की, 'मी नक्कीच नाराज झालो असतो. खूप नाराज झालो असतो. मी स्वत: लाच म्हणालो असतो की मी अशा प्रकारे कसं बाद होऊ शकतो.'

(Sports Latest News)