Ravindra Jadeja : सुरूवात फ्लॉप केलेल्या रविंद्र जडेजाने टाकला 'सत्ता', रोहित शर्मा झाला निश्चिंत

Ravindra Jadeja Ranji Trophy : भारताचा अष्टपैलू क्रिकेटपटू रविंद्र जडेजाच्या फिटनेसबाबत निवडसमितीच्या मनात शंका होती. त्यामुळेच निवडसमितीने जडेजाची ऑस्ट्रेलियाविरूद्धच्या कसोटी मालिकेतील पहिल्या दोन कसोटी सामन्यांसाठी निवड केली मात्र त्याला फिटनेस सिद्ध करण्यासाठी रणजी ट्रॉफी खेळण्यास सांगितले.

रविंद्र जडेजा रणजी ट्रॉफीच्या सौराष्ट्र विरूद्ध तमिळनाडूच्या सामन्यात सौराष्ट्रचा कर्णधार म्हणून खेळू लागला. मात्र गुडघ्याच्या दुखापतीतून सावरलेल्या रविंद्र जडेजाला सामन्याच्या पहिल्या दिवशी 17 षटके टाकूनही एकही विकेट मिळवता आली नाही. त्यावेळी जडेजाला आपली कामगिरी उंचवाण्यासाठी वेळ लागेल असे वाटते होते.

मात्र सामन्याच्या तिसऱ्या दिवशी जुना रविंद्र जडेजा पहायला मिळाला. जडेजाने दुसऱ्या डावात 17. 1 षटकात 53 धावात 7 विकेट्स घेतल्या. जडेजाच्या या जबरदस्त स्पेलमुळे तमिळनाडूचा दुसरा डाव 36.1 षटकात 133 धावांमध्ये संपुष्टात आला.

सामन्याबद्दल बोलायचे झाले तर तमिळनाडूने पहिल्या डावात 342 धावा केल्या होत्या. त्यानंतर सौराष्ट्रचा पहिला डाव 192 धावात संपला. तमिळनाडूने 132 धावांची आघाडी घेतली होती. मात्र सौराष्ट्रने दुसऱ्या डावात तमिळनाडूला 133 धावात गुंडाळले. जडेजाने 7 विकेट्स घेतल्या. आता सौराष्ट्रसमोर विजयासाठी 266 धावांचे आव्हान आहे. दिवसचा खेळ संपला त्यावेळी सौराष्ट्रने 1 बाद 4 धावा केल्या होत्या.

(Sports Latest News)

हेही वाचा : ....इथं तयार होतो आपला लाडका तिरंगा