Rishabh Pant Accident: तीन दिवसात 5737 किलोमीटर प्रवास अन् रात्रीची ड्रायव्हिंग पंतला भोवलं...

Rishabh Pant Accident : भारतीय क्रिकेट संघाचा स्टार फलंदाज आणि यष्टिरक्षक ऋषभ पंत याचा अपघात झाल्यानंतर त्याच्या लाखो चाहत्यांचा जीव टांगणीला लागला आहे. भारतीय क्रिकेट विश्वाला मोठा धक्का बसला आहे. यासगळ्यात अनेक सेलिब्रेटींनी प्रतिक्रिया दिल्या आहेत.

ऋषभ पंतच्या कारला अपघात झाला ज्यात ते थोडक्यात बचावले. अपघाताच्या काही वेळापूर्वी पंतने इन्स्टाग्रामवर एक व्हिडिओ शेअर केला होता ज्यामध्ये तो काम करताना दिसत होता. तो दुबईत माजी भारतीय कर्णधार महेंद्रसिंग धोनीसोबत होता जिथे त्यांनी पार्टी केली. बांगलादेश दौऱ्यावरून पंत थेट दुबईला पोहोचला होता.

बांगलादेश मालिकेनंतर ऋषभ पंत 3543 किलोमीटर प्रवास करुन थेट दुबईला पोहोचला. दुबईमध्ये एमएस धोनी आणि साक्षी धोनी यांच्यासोबत खास पद्धतीने ख्रिसमस साजरा केला. धोनीसोबत पार्टी झाल्यानंतर पंत दिल्लीला रवाना झाला. दुबई वरून दिल्लीला 219 किलोमीटरचा प्रवास पंतने काल केला.

तीन दिवसात पंतने 5737 किलोमीटर प्रवास केला. ऋषभ पंतला त्याच्या आईला सरप्राईज करायचे होते. त्यामुळे रात्री उशिरा तो दिल्लीहून रुरकीच्या दिशेने त्यांच्या कारमधून एकटाच निघाला होता, आणि दिल्ली-डेहराडून महामार्गावर रुरकीजवळ त्यांच्या कारचा अपघात झाला आहे.

क्रिकेटपटू ऋषभ पंतला रुरकी सिव्हिल हॉस्पिटलमध्ये प्राथमिक उपचारानंतर डेहराडूनच्या मॅक्स हॉस्पिटलमध्ये हलवण्यात आले आहे. अहवालावर विश्वास ठेवला तर त्याच्या जीवाला कोणताही धोका नसून त्याला गंभीर दुखापत झाली आहे. अपघाताचे अनेक फोटो आणि फोटो व्हायरल होत आहेत. धोनीसोबत वेळ घालवून भारतात परतताच त्याच्यासोबत ही घटना घडली.

बांगलादेशविरुद्धच्या दुसऱ्या कसोटी सामन्यात ऋषभ पंतने भारतीय संघाची धुरा सांभाळत 94 धावांची खेळी केली. भारताला मजबूत स्थितीत आणले. पंतची ही खेळी भारतीय संघाच्या विजयात महत्त्वाची ठरली. ऋषभ पंतने कसोटी क्रिकेटमध्ये सातत्याने स्वत:ला सिद्ध केले आहे, मात्र टी-20 मध्ये त्याला तशी छाप पाडता आलेली नाही. ऋषभ पंतच्या टी-20 कारकिर्दीबाबत सातत्याने प्रश्न उपस्थित होत आहेत.