Riyan Parag : रियान परागने केली कमाल; टी 20 क्रिकेटच्या इतिहासात असं कधी घडलं नव्हतं

Riyan Parag : राजस्थान रॉयल्सचा कायम चर्चेत असलेल्या खेळाडू रियान परागने आज इतिहास रचला. 21 वर्षाचा रियान संध्या सईद मुश्ताक अली ट्रॉफीत आसामकडून खेळत आहे. त्याने केरळविरूद्धच्या सामन्यात 57 धावांची खेळी करत आपल्या संघाला निसटता का होईना विजय मिळवून दिला.

या विजयाबरोबरच रियानने एक मोठा विक्रम देखील आपल्या नावावर केला. टी 20 क्रिकेट इतिहासात सलग सहा सामन्यात सहा अर्धशतकी खेळी करणारा तो पहिला क्रिकेटपटू ठरला. रियानने सईद मुश्ताक अली ट्रॉफीत 193 च्या स्ट्राईक रेटने 440 धावा केल्या आहेत. रियानने बिहार, सर्व्हिसेस, सिक्कीम, चंदीगड आणि हिमाचल प्रदेश विरूद्ध अर्धशतकी खेळी केली होती. त्याचवेळी त्याने विरेंद्र सेहवाग आणि डेवॉन कॉनवेच्या विक्रमाशी बरोबरी केली होती.