World Cup 2019 : दुसरा विराट नाही, पहिला रोहित!

वर्ल्ड कप 2019 : लीड्स : यंदाच्या स्पर्धेत रोहित कमालीच्या सातत्यत्ने खेळत आहे. खरे तर दोन सामन्यात खेळला नाही की तो खेळत नाही असे बोलले जात होते. ते काही अंशी खरे हित होते. पण ही स्पर्धा त्याचसाठी खरंच खास ठरली. अगदी शकीब सारखी. सहशेहून आधी धावा आणि 11 बळी अशी अष्टपैलू कामगिरी त्याने केली तो बांगलादेश संघाचा देवदूत बनून आला. तसाच रोहित भारतासाठी धावून आला. कमालीचे सातत्य त्याने राखले. भारतीय फलंदाजी नुसतीच तोड फोड नाही तर ती तंत्रपूर्णअसते हे पुन्हा सिद्ध झाले. रोहितची देहबोली अशी दिसते की तो ड्रेसिंग रूम मधूनच आपल्या नावावर शतक लिहून येतो. आता रोहित खेळायला आला की आले शतक असे जर कुणी म्हणाले तर चूकीचे ठरणार नाही.

रोहितची फलंदाजी सध्या मोहिनी ठरली आहे. यावेळी इंग्लंडमध्ये धावाच धावा निघतील असे बोलले जात होते. टीम च्या बाबतीत हे खूप कमी वेळा घडले असेल, पण, रोहित, शकीब, वॉर्नर, फिंच या फलंदाजांच्या बाबतीत हे घडून आले आहे. रोहित ने गोलंदाजांवर निर्विवाद वर्चस्व राखले. ज्या मलिंगाने स्पर्धेत धडकी भरवली ती देखील रोहित समोर जणू नतमस्तक झाला होता. अचूकता आणि आक्रमकता याचे दुसरे नाव रोहित हे या स्पर्धेतून दिसून आले.

भारताने या स्पर्धेत मिळवलेल्या विजयात एक फलंदाज कमी पडताना दिसून येत आहे. पण रोहित ही सगळी जबाबदारी जणू आपल्या खांद्यावर घेऊन खेळत आहे असेच चित्र आहे. रोहितचे सातत्य आणि भारताचे मधल्याफळीतले अप यश बघता रोहितने सगळ्या क्रमांकावर खेळावे असे म्हंटले तर कसे वाटते. तो तसाच खेळत आहे. रोहितची आता पाच शतके झाली. पण त्याने याहून एक मोठी खेळी करावी ही अपेक्षा आहे. अजुन दोन सामने आपण नक्की खेळणार ही खेळी व्हायला हरकत नाही. कम ऑन रो हिट.