विराटकडून चाहत्यांबरोबरच वामिकाचीही निराशा

virat kohli century vamika birthday
virat kohli century vamika birthday esakal

भारत आणि दक्षिण आफ्रिका यांच्यातील तिसऱ्या कसोटीत पहिल्या दिवशी भारताने नाणेफेक जिंकून फलंदाजी घेतली. भारताचा कर्णधार विराट कोहलीने (Virat Kohli) एकाकी झुंज देत भारताला २०० पार पोहचवले. मात्र मुलगी वामिकाच्या वाढदिवसादिवशी (Vamika Birthday) आपला शतकांचा दोन वर्षांचा दुष्काळ संपवण्यापासून विराट चुकला.

virat kohli century vamika birthday
Vivoने पळ काढला, TATA आता आयपीएलचे टायटल स्पॉन्सर

विराट कोहली तिसऱ्या कसोटीच्या पहिल्या डावात ७९ धावा करुन बाद झाला. भारताकडून विराट कोहलीनेच सर्वाधिक धावा केल्या. ज्यावेळी विराट कोहलीने ७० पार केली त्यावेळी भारताच्या फक्त ३ विकेट राहिल्या होत्या. भारताचे रथी महारथी पॅव्हेलियनमध्ये गेले होते. मात्र विराट एकटाच मैदानात झुंजत होता. त्याचे हे झुंजणे पाहून आपल्या मुलीच्या वाढदिवसादिवशी शतकी खेळी करण्यासाठी तो अटोकाट प्रयत्न करत असल्याचे जाणवत होते. (Virat Kohli Century)

virat kohli century vamika birthday
द्रविड म्हणजे भारतीय क्रिकेटमधले 'मनमोहन सिंग'

मात्र दुसऱ्या बाजूने त्याला साथ मिळत नव्हती शेवटची आशा शार्दुल ठाकूरही १२ धावा करुन बाद झाला होता. आता बुमराह, शमी आणि उमेश यादव हे गोलंदाज उरले होते. तरीही विराट आपल्या शतकापासून फक्त २१ धावा दूर होता. त्यामुळे विराट आपले शतक पार करेल असे चाहत्यांना वाटत होते मात्र विराट पुन्हा एकदा रबाडाचा बाहेरचा चेंडू खेळण्याच्या नादात ७९ धावांवर बाद झाला आणि शतकाची प्रतिक्षा अजून लांबली.

virat kohli century vamika birthday
IPL 2021 मध्ये रेकॉर्ड ब्रेक बोली, 2022 मध्ये लगेच निवृत्ती

विराट कोहली बाद झाल्यानंतर भारताचा पहिला डाव २२३ धावात अटोपला. भारताकडून विराट कोहलीने सर्वाधिक ७९ धावा केल्या. तर चेतेश्वर पुजाराने ४३ धावा करुन विराटला चांगली साथ देण्याचा प्रयत्न केला. मात्र इतर फलंदाजांनी निराशा केली. ऋषभ पंत २७ धावा करुन बाद झाला. तर अजिंक्य रहाणेची गाडी ९ धावांचा पुढे गेली नाही.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com