संतापजनक! रशियन खेळडूचा 'फॅसिस्ट सलाम'; हसतानाचा व्हिडिओ व्हायरल

रशियाने युक्रेनवर केल्याल्या आक्रमनानंतर जगभरातून रशियावर निर्बंध लादण्यात आले आहेत. यातच एक संपापजनक बाब समोर आली आहे. युरोपियन कार्टिंग चॅम्पियनशिपमध्ये पुरस्कार वितरणाच्या वेळी इटालियन राष्ट्रगीत वाजवले जात असताना एका रशियन खेळाडूने फॅसिस्ट सलाम केल्याचा प्रकार समोर आला आहे, या कृतीनंतर तो मोठ्याने हसताना दिसत आहे. या प्रकारमुळे जगभरात प्रचंड संताप व्यक्त केला जात आहे.

आर्टेम सेवेरिउखिन (Artem Severiukhin) हा एक रशियन ड्रायव्हर आहे. सध्या रशियावर आंतराष्ट्रीय स्पर्धांमध्ये सहभागावर बंदी घालण्यात आल्याने तो त्याच्या देशाचे प्रतिनिधित्व करू शकत नाही, म्हणून त्याने इटालियन ध्वजाखाली या स्पर्धेत भाग घेतला होता.

सेवेरिउखिनचा एक व्हिडिओ सध्या व्हायरल झाला आहे, ज्यामध्ये तो रोमन सॅल्युट करताना दिसत आहे, ज्याला जगभरात फॅसिस्ट सलाम मानले जाते. हा सलाम केल्यानंतर "Il Canto degli Italiani" वाजत असताना तो हसताना देखील या व्हिडिओमध्ये दिसत आहे. या प्रकारामुळे नागरिकांमध्ये संताप व्यक्त केला जात आहे.

20 व्या शतकात, हा सलाम फॅसिस्ट गटांसाठी अभिवादन म्हणून वापरला जात असे. इटलीचे माजी पंतप्रधान बेनिटो मुसोलिनी यांच्या काळात ते राजवटीचा अधिकृत भाग बनला होता. सेवेरिउखिनला रशियन मोटरस्पोर्ट एसएमपी रेसिंग प्रोग्रामकडून मदत करण्यात येते, तसेच त्याचे मुख्य प्रायोजक हे देखील रशियन गॅझप्रॉम हे आहेत.

या दरम्यान फेडरेशन इंटरनॅशनल डी ल'ऑटोमोबाईल (एफआयए) ने रशियन आणि बेलारशियन ड्रायव्हर्सना युक्रेनमधील युद्धादरम्यान त्यांच्या स्वत:च्या देशांच्या ध्वजाखाली आंतरराष्ट्रीय सीरीज स्पर्धांमध्ये खेळण्यास मनाई केली होती.

रशियाने 24 फेब्रुवारी रोजी युक्रेनवर संपूर्ण आक्रमण सुरू केले. तेव्हापासून रशियन सैन्य युक्रेनच्या शहरांवर शेल, बॉम्ब आणि हवाई हल्ले करत आहेत. युक्रेनमधील आक्रमकतेमुळे रशियावर विविध देश आणि जगप्रसिध्द कंपन्या आणि ब्रँड्सनी निर्बंध लादले आहेत.