Sachin Tendulkar : 'आज मी सर्व काही त्याच्यामुळेच…' क्रिकेटचा देव अचानक झाला भावूक

Sachin Tendulkar Father Birth Anniversary : आज क्रिकेटचा देव भारताचा महान फलंदाज सचिन तेंडुलकरच्या वडिलांचा वाढदिवस आहे. वडिलांची आठवण काढत सचिनने एक भावनिक पोस्ट शेअर केली आहे.

सचिनने या पोस्टमध्ये लिहिले आहे की, तो सध्या जो काही आहे तो त्याच्या वडिलांमुळे आहे. सचिनची गणना जगातील महान फलंदाजांमध्ये केली जाते. सचिनच्या वडिलांचे 1999 मध्ये निधन झाले. त्यावेळी सचिन इंग्लंडमध्ये वर्ल्ड कप खेळत होता.

सचिनला वडिलांच्या निधनाची बातमी कळताच तो भारतात परतला. त्यानंतर घरच्यांच्या आग्रहास्तव तो परत वर्ल्ड कप खेळण्यासाठी गेला. आणि पुढच्या सामन्यात केनियाविरुद्ध शतक झळकावले. सचिनने हे शतक त्याच्या वडिलांना समर्पित केले होते.

सचिनने इंस्टाग्रामवर एक पोस्ट शेअर केली असून वडिलांचा फोटोही पोस्ट केला आहे. या फोटोमध्ये त्याचे वडील, त्याची पत्नी अंजली आणि तो दिसत आहे. सचिनने या पोस्टमध्ये लिहिले आहे की, माझे वडील कडक नव्हते तर काळजी घेणारे होते. त्यांनी मला आयुष्यात काय करायचे आहे ते करून दिले आणि माझे स्वप्ने पूर्ण करण्याच्या प्रयत्नात मला नेहमी पाठिंबा दिला. आज मी सर्व काही त्याच्यामुळेच आहे. वाढदिवसाच्या शुभेच्छा बाबा. मला तुमची रोज आठवण येते.

19 मे 1999 रोजी सचिनच्या वडिलांचे निधन झाले. हृदयविकाराच्या झटक्याने त्यांचे निधन झाले. सचिनचे वडील मराठी साहित्यिक होते. त्यांनी मराठीत कविता आणि कादंबऱ्या लिहिल्या आहेत. सचिनने त्याच्या आयुष्यात वडिलांच्या प्रभावाबद्दल अनेकदा बोलले आहे. वडिलांच्या निधनानंतर सचिनने केनियाविरुद्ध वर्ल्ड कप सामना खेळला आणि 101 चेंडूत 140 धावांची खेळी केली. या सामन्यात त्याने राहुल द्रविडसोबत 237 धावांची भागीदारी केली होती. भारताने हा सामना 94 धावांनी जिंकला. सचिनने हे शतक त्याच्या वडिलांना समर्पित केले होते.