Badminton World Championships : चिराग - सात्विकसाईराज जोडीने रचला इतिहास! भारताचे पहिले पदक केले निश्चित

Badminton World Championships : भारताची पुरूष दुहेरीची जोडी सात्विकसाईराज रेड्डी आणि चिराग शेट्टी यांनी जागतिक बॅडमिंटन अजिंक्यपद स्पर्धेत पदक निश्चित केले आहे. त्यांनी जागतिक क्रमवारीत दुसऱ्या क्रमांकावर असलेल्या जपानच्या ताकुरो होकी आणि युगो कोबायाशी यांचा उंपात्यपूर्व फेरीत पराभव केला. जागतिक क्रमवारीत सातव्या स्थानावर असलेल्या भारतीय जोडीने राष्ट्रकुल स्पर्धेत सुवर्ण पदक पटकावले होते. आता जपानच्या जागतिक क्रमवारीत दुसऱ्या क्रमांकावर असणाऱ्या जोडीचा त्यांच्यात मयाभूमीत पराभव करत या जोडीने आपल्या दमदार कामगिरीचा डंक्का पुन्हा एदका वाजवला.

चिराग शेट्टी आणि सात्विकसाईराज रेड्डी यांनी जपानच्या जोडीचा 24 - 22, 15-21, 21 - 14 असा पराभव केला. हा जबदस्त सामना 1 तास 15 मिनिटांपर्यंत रंगला. विशेष म्हणजे सात्विकसाईराज आणि चिराग ही बॅडमिंटन जागतिक अजिंक्यपद स्पर्धेत पदक जिंकणारी पहिली पुरूष जोडी ठरली आहे. भारताचे जागतिक बॅडमिंटन अजिंक्यपद स्पर्धेतील हे भारताचे दुसरे पदक आहे. यापूर्वी महिला दुहेरीत ज्वाला गुट्टा आणि अश्विनी पोनप्पा यांनी 2011 मध्ये भारताला पहिले पदक जिंकून दिले होते.

बॅडमिंटन जागतिक अजिंक्यपद स्पर्धेत यापूर्वी भारताची जोडी एमआर अर्जुन आणि ध्रुव कपिला यांना पराभव सहन करावा लागला. त्यांचा तीन वेळा सुवर्ण पदक जिंकणारी जोडी मोहम्मद एहसान आणि हेंद्रा सेतिआवान यांना या भारतीय जोडीचा उपांत्यपूर्व फेरीत 8 - 21, 14 - 21 असा पराभव केला.