RSA vs IND : पंत एकटा नडला; 'शान' अन् 'जान'दार सेंच्युरी!

South Africa vs India, 3rd Test Day 3, Rishabh Pant Latest News : दक्षिण आफ्रिकेविरुद्धच्या तिसऱ्या आणि अखेरच्या कसोटी सामन्यात रिषभ पंत टीम इंडियाच्या मदतीला धावून आला. आघाडीचे फलंदाज स्वस्तात माघारी फिरल्यानंतर त्याने एकाकी खिंड लढवली. एका बाजूला विराट कोहली पुजारा स्टाइल संयमी खेळी करत होता. तर दुसऱ्या बाजूला पंतने आपल्या नैसर्गिक खेळीनं संघाला दबावातून बाहेर काढणारी खेळी केली. कसोटी कारकिर्दीतील चौथे शतक त्याने पूर्ण केले. शॉट सिलेक्शनमध्ये चुका करुन तो संघाला गोत्यात आणतोय, अशी टिका त्याच्यावर करण्यात येत होती. मात्र या सगळ्याला त्याने आपल्या बॅटमधून उत्तर दिले.

पण त्याने पुन्हा एकदा संघ व्यवस्थापक आपल्यावर वारंवार का विश्वास ठेवत आहे, याची झलक दाखवून दिली. पंतने कसोटी कारकिर्दीतील जी चार शतके झळकावली आहेत त्यातील तीन शतक ही आशिया बाहेरच्या मैदानातील आहेत. 2018 मध्ये इंग्लंडच्या ओव्हलच्या मैदानात त्याने 114 धावांची खेळी केली होती. 2018-19 च्या दौऱ्यात सिडनीच्या मैदातही पंतने दिमाखदार खेळ दाखवला होता. यावेळी त्याने 159 धावांची नाबाद खेळी साकारली होती. त्यानंतर आता दक्षिण आफ्रिकेत संघ अडचणीत असताना त्याने नाबाद शतकी खेळी करुन संघाचा डावा सावरला. पंतच्या चार शतकापैकी एक शतक हे अहमदाबादच्या नरेंद्र मोदी स्टेडियमवरील आहे. जे त्याने इंग्लंड विरुद्ध झळकावले होते.

रिषभ पंतने नव्वदीच्या आणि घरातील खेळीही चांगल्याच गाजल्या होत्या. त्याच्या जोरावर भारतीय संघाने ऑस्ट्रेलियन मैदान मारले होते. दक्षिण आफ्रिकेविरुद्धची त्याची खेळा पाहणाऱ्याला कदाचित सिडनी आणि गाबाचं मैदान आठवलंही असले. अगदी तेच गणित इंथही जुळलं तर दक्षिण आफ्रिकेच्या मैदानातील पंतचं नाबाद शतक सामन्यासह मालिकेचा निकाल ठरवू शकते.