MS धोनीच्या वर्ल्ड कप विजेत्या संघातील सदस्याचे निधन! अनेक वर्षे केली होती टीम इंडियाची सेवा

Sunil Dev Passes Away : भारतीय क्रिकेटमध्ये वर्षानुवर्षे योगदान देणाऱ्या एका दिग्गज खेळाडूचे निधन झाले. विशेष बाब म्हणजे हा दिग्गज 2007 च्या टी-20 विश्वचषक विश्वविजेत्या संघाचा देखील एक भाग होता ज्याने एमएस धोनीच्या नेतृत्वाखाली इतिहास रचला होता. भारतीय क्रिकेट संघाचे माजी व्यवस्थापक सुनील देव यांनी बुधवारी दीर्घ आजाराने अखेरचा श्वास घेतला. ते 75 वर्षांचा होते आणि 1970 च्या उत्तरार्धापासून 2015 पर्यंत दिल्ली जिल्हा क्रिकेट असोसिएशनचे भाग होते.

डीडीसीए व्यतिरिक्त, सुनील देव बीसीसीआयच्या विविध उपसमित्यांचा देखील भाग होते. 2007 साली दक्षिण आफ्रिकेत खेळल्या गेलेल्या टी-20 विश्वचषकाच्या पहिल्या आवृत्तीत ते प्रशासकीय व्यवस्थापक म्हणून टीम इंडियासोबत उपस्थित होता. या विश्वचषकात भारतीय संघाने एमएस धोनीच्या नेतृत्वाखाली इतिहास रचला आणि विश्वविजेता ठरला.

यानंतर ते 2014 च्या इंग्लंड दौऱ्यावर भारतीय संघाचे प्रशासकीय व्यवस्थापकही होते. सर्वप्रथम 1996 मध्ये त्यांना दक्षिण आफ्रिका दौऱ्यावर टीम इंडियासोबत प्रशासकीय व्यवस्थापक म्हणूनही पाठवण्यात आले होते.

सुनील देव यांनी डीडीसीएसाठी अनेक वर्ष काम केले आणि त्यावेळी चांगले आणि वाईट मुद्दे स्पष्टपणे समोर आणले. डीडीसीएमधील विविध धोरणात्मक मुद्द्यांवर आपली विरोधाभासी मते मांडण्यास त्यांनी कधीही संकोच केला नाही त्यामुळे त्यांच्या कार्यकाळात मित्र आणि शत्रू दोन्ही समान प्रमाणात आढळले होते. त्यांचा दिल्ली क्रिकेटमधील दबदबा यावरून कळू शकतो की 1990 ते 2000 दरम्यान असा एक काळ होता की, त्यांच्या शिक्काशिवाय रणजी ट्रॉफी किंवा कोणत्याही वयोगटातील संघाची घोषणा होत नव्हती.