Nagpur Test Pitch : नागपूर खेळपट्टीवरून घरचा आहेर; खुद्द राहुल द्रविडनेच नाक मुरडले?

IND vs AUS Pitch Report
IND vs AUS Pitch Reportesakal

IND vs AUS Pitch Report : बॉर्डर गावसकर ट्रॉफीमधी पहिला कसोटी सामना उद्यापासून नागपूर येथे सुरू होत आहे. नागपूरची खेळपट्टी कशी असणार याबाबतची चर्चा गेल्या अनेक दिवसांपासून सुरू आहे. नागपूरची खेळपट्टी ही फिरकीला साथ देणारी असावी अशी मागणी अनेक माजी खेळाडूंना केली आहे. कांगारूंनीही नागपूरची खेळपट्टी फिरकीला साथ देणार असेल असा अंदाज वर्तवत आधीपासूनच खेळपट्टीबाबत नकारात्मक प्रचार सुरू केला आहे.

IND vs AUS Pitch Report
IND vs AUS : ऑस्ट्रेलियाचा डुप्लिकेट 'मदतनीस' अश्विनच्या चरणी झाला लीन; अश्विनने हळूच...

दरम्यान, भारताचा प्रशिक्षक राहुल द्रविड देखील नागपूरच्या खेळपट्टीवर नाराज असल्याची माहिती मिळत आहे. राहुल द्रविड जामठा स्टेडियमच्या पिच क्युरेटरशी हातवारे करत बोलत असल्याचे दिसे. भारत नागपुरात गेल्या दोन दिवसांपासून सराव करत आहे. आता राहुल द्रविडने खेळपट्टीत बदल करावे अशी मागणी केली आहे.

दैनिक जागरणमध्ये आलेल्या वृत्तानुसार राहुल द्रविड खेळपट्टीबाबत नाराज आहे. भारतीय संघ गेल्या दोन दिवसापासून सेंट्रल विकेटवर सराव करत आहे. आता राहुल द्रविडला सामन्यासाठी काही दिवस शिल्लक असतानाच खेळपट्टीत बदल हवा आहे.

त्यामुळे क्युरेटर आणि अधिकारी दिवसरात्र भारतीय संघाला हवी तशी खेळपट्टी तयार करण्यासाठी काम करत आहेत. आता भारतीय संघाच्या गरजेनुसार साईट स्क्रीनमध्ये देखील बदल करावा लागणार आहे.

मिळालेल्या माहितीनुसार यापूर्वी बॉर्डर - गावसकर ट्रॉफीसाठी पाच दिवस सामना होईल अशा खेळपट्ट्या तयार करण्यात येणार होत्या. मात्र आता भारताचे संघव्यवस्थापन खेळपट्ट्या या फिरकीला पोषक असाव्यात यासाठी आग्रही आहे. भारताला WTC फायनलचे तिकीट बुक करायचं आहे.

IND vs AUS Pitch Report
IND vs AUS: नागपूरची खेळपट्टी पाहताच कांगारूंच्या कळपात झाला भूकंप; क्रिकेट तज्ञांने केले गंभीर आरोप

खेळपट्ट्यांचा विषय इतका का चर्चेत आहे?

- भारतीय संघ मायदेशातील फिरकीला पोषक असलेल्या खेळपट्टींचा फायदा उचलू इच्छितो.

- ऑस्ट्रेलियाने याबाबत आधीच आपली नाराजी व्यक्त केली आहे.

- स्टीव्ह स्मिथ आणि इयार हेली यांनी आधीच वक्तव्य केले आहेत.

- भारताने नागपूरची खेळपट्टी फिरकीला साथ देणारी केली.

- लाल मातीची ही विकेट पहिल्या दिवसापासून फिरकीला साथ देईल.

- भारत त्यांच्याकडे असलेल्या चार फिरकीपटूंचा चांगला वापर करून WTC finals मध्ये जागा पक्की करण्यासाठी प्रयत्न करणार आहे.

(Sports Latest News)

ब्रेक घ्या, डोकं चालवा, कोडे सोडवा!

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Marathi News Esakal
www.esakal.com