Travis Head WTC Final 2023 : ट्रॅविस हेडने फक्त भारतीय गोलंदाजांना चोपले नाही तर इतिहासही रचला

Travis Head WTC Final 2023 : भारत आणि ऑस्ट्रेलिया यांच्यातील WTC Final सामन्याच्या पहिल्याच दिवशी भारतीय गोलंदाजांची चांगलीच धुलाई झाली. नाणेफेक जिंकून प्रथम गोलंदाजी करणाऱ्या भारताच्या गोलंदाजांना ऑस्ट्रेलियाच्या ट्रॅविस हेडने चांगलेच चोपले.

ट्रॅविस हेडने जवळपास 100 च्या स्ट्राईक रेटने शतकी खेळी केली. त्याने स्टीव्ह स्मिथसोबत चौथ्या विकेटसाठी नाबाद दीडशतकी भागीदारी रचली. हेडने शतकी खेळीसोबतच WTC Final मध्ये इतिहास देखील रचला.

ट्रविस हेडने 65 व्या षटकात मोहम्मद शमीच्या गोलंदाजीवर एक धाव घेत आपले कसोटीतील 6 वे शतक ठोकले. हेडचे हे ऑस्ट्रेलियाबाहेरचे पहिलेच कसोटी शतक ठरले.

हेडचे हे भारताविरूद्धचे पहिलेच शतक आहे. विशेष म्हणजे वर्ल्ड टेस्ट चॅम्पियनशिपच्या फायनलमधील पहिले वहिले शतक ठोकण्याचा विक्रम देखील ट्रॅविस हेडच्याच नावावर झाला आहे. भारत आणि न्यूझीलंड यांच्यात झालेल्या पहिल्या WTC Final मध्ये देखील कोणाला शतकी खेळी करता आली नाही.