VIDEO | Urvashi Rautela : उर्वशीने 'RP' सोबतचा दिल्लीतील 'तो' किस्सा सांगून उडवली खळबळ

Urvashi Rautela Rishabh Pant Video : जागतिक क्रिकेट वर्तुळात ऋषभ पंत (Rishabh Pant) हळूहळू आपला दबदबा निर्माण करत आहे. ऋषभ पंत आपल्या डॅशिंग बॅटिंगने सर्वांचा लाडका झाला आहे. अशा या लाडक्या ऋषभ पंतचे नाव सातत्याने उर्वशी रौतेला या मॉडेलशी जोडले जाते. ऋषभ पंतने कधीही उर्वशी रौतेलासोबतच्या लिंकअप (Linkup) बाबत जाहीररित्या वक्तव्य केलेले नाही. मात्र उर्वशी रौतेला सातत्याने ऋषभ पंतबाबतच्या पोस्टवरून चर्चेत असते. दरम्यान, उर्वशी रौतेलाने बॉलिवूड हंगामाला दिलेल्या मुलाखतीत एक वेगळाच दावा केला आहे.

उर्वशी रौतेला या व्हिडिओत ऋषभ पंतचे थेट नाव घेत नाही. मात्र ती सातत्याने आरपी आरपी असे म्हणते. मात्र सर्वजण आरपी म्हणजे ऋषभ पंत असा अर्थ लावत आहेत. या व्हिडिओत उर्वशी रौतेलाने आरपी सोबतच्या दिल्लीतील भेटीचा किस्सा सांगितला. या व्हिडिओत तिने आरपी माझी दिल्लीतील हॉटेल लॉबीत भेटण्यासाठी वाट पाहत होता. मात्र मी शुटिंगमध्ये व्यग्र होते. नंतर मी थकून झोपले. मात्र मला 16 ते 17 मिसकॉल आले होते. आरपी अनेक तास माझी वाट पाहत होता मात्र मी त्याला भेटू शकले नाही यामुळे मी नाराज होते. त्यानंतर मी त्याला मुंबईत भेटू असे सांगितले. आम्ही मुंबईत भेटलो. मात्र या दरम्यान माध्यमांनी आम्हाला गाठले. त्यानंतर आमचे नाते संपले असेही ती म्हणाली.

ऋषभ पंत सध्या इशा नेगीसोबत रिलेशनशिपमध्ये आहे. नवी दिल्ली राहणारी इशा नेगी इंडिरियर डिझायनर आहे. पंत आशिया कपसाठी तयारी करत आहे. आशिया कप येत्या 27 ऑगस्टपासून युएईमध्ये खेळवला जाणार आहे. भारताचा आशिया कपमधील पहिला सामना हा 28 ऑगस्टला दुबईत पाकिस्तानविरूद्ध आहे.