विराट कोहलीने केले 'परफेक्ट डॅड' वाले काम

नवी दिल्ली : विराट कोहली (Virat Kohli) आणि बीसीसीआय (BCCI) यांच्यातील वादाच्या पार्श्वभूमीवर टीम इंडिया आज ( दि. 16 ) दक्षिण आफ्रिका दौऱ्यावर रवाना झाली. या दौऱ्यावर भारतीय संघासोबत त्यांचे कुटुंबीय देखील सोबत ठेवण्याची परवानगी दिली आहे. त्यामुळे टीम इंडियाचे (Team India) खेळाडू आणि त्यांचे कुटुंबीय सर्वजण एकाच गाडीतून विमानतळावर दाखल झाले.

टीम इंडिया ज्यावेळी विमानतळावर दाखल झाली. त्यावेळी संघाच्या बसमधून कर्णधार विराट कोहली आणि त्याची पत्नी अनुष्का आणि मुलगी वामिका (Vamika) देखील बाहेर आले. बाहेर माध्यम प्रतिनिधींचे कॅमेरे तयारच होते. याच दरम्यान, विराट कोहलीने माध्यम प्रतिनिधींना वामिकाचे फोटो न काढण्याची विनंती केली. विराटचा हा फोटो सध्या सोशल मीडियावर चांगलाच व्हायरल होत आहे.

दक्षिण आफ्रिका दौऱ्यावर (India vs South Africa) भारतीय संघ तीन कसोटी सामने आणि तीन एकदिवसीय सामने खेळणार आहे. हा दौरा 26 डिसेंबरपासून सुरु होणार आहे.

दक्षिण आफ्रिका दौऱ्यासाठी रवाना होण्यापूर्वी विराट कोहलीने पत्रकार परिषद (Virat Kohli Press Conference) घेतली होती. या पत्रकार परिषद त्याने आपण एकदिवसीय मालिकेसाठी उपलब्ध असल्याचा खुलासा देखील केला होता. याच पत्रकार परिषदेत त्याने टी 20 कर्णधारपद सोडल्यानंतर बीसीसीआयबरोबर काय बोलणे झाले यावरही भाष्य केले. सौरभ गांगुली (Sourav Ganguly) यांनी या संदर्भात केलेल्या आधीच्या वक्तव्य आणि विराटचा ताजा खुलासा हे परस्पर विरोधी आहे. त्यामुळे नव्या वादाला तोंड फुटले आहे.