VIDEO : विराटला पाहून अनुष्काच्या 'चकडा एक्सप्रेस'मधील को-स्टारने असं काही केलं...

Virat Kohli Anushka Sharma : भारताच्या महिला क्रिकेट विश्वातील दिग्गज वेगवान गोलंदाज झुलन गोस्वामीचा जीवन प्रवास 'चकडा एक्सप्रेस' या चित्रपटातून दाखवण्यात येणार आहे. या चित्रपटात भारताचा माजी कर्णधार विराट कोहलीची पत्नी आणि आघाडीची अभिनेत्री अनुष्का शर्मा झुलनची मुख्य भुमिका बजावणार आहे. या चित्रपटात अभिनेत्री अंशुल चौहान देखील असणार आहे. दरम्यान, तिला तिच्या वाढदिवसादिवशी एक सरप्राईज मिळाले. तिला स्टार क्रिकेटर विराट कोहलीला भेटण्याची संधी मिळाली.

अन्शुलने विराट कोहलीसोबत सेटवर काढलेले अनेक फोटो आपल्या सोशल मीडिया अकाऊंटवरून शेअर केले. तिने पोस्ट केलेला एक व्हिडिओ खूप मजेशीर आहे. ती विराट कोहलीसोबत फोटो काढत असताना तिला आपला आनंद लपवता आला नाही. नेमका हा क्षण कॅमेऱ्यात टिपला गेला. ती खूप हसत होती. विराट देखील अन्शुलकडे पाहून हसू लागला.

अन्शुलने हा व्हिडिओ आपल्या इन्स्टाग्रामवर पोस्ट करत त्याला, 'निव्वळ फॅन मोमेंट! माझा वाढदिवस खूप खास झाला आहे. विश्वास होत नाहीये की मी एकटी विराट कोहलीला पाहिले आणि भेटले देखील.' यानंतर अन्शुलने अनुष्का शर्माचे यासाठी आभार मानले आणि पुढे म्हणाली की, जसं फोटोत मी हसणं कंट्रोल करू शकत नव्हते तसंच आताही होतयं. या पोस्टवर अनुष्काने हसणारा इमोजी शेअर करत प्रतिक्रिया दिली. विराट कोहलीने नुकतेच मोठ्या ब्रेकनंतर क्रिकेटच्या मैदानावर धडाकेबाज पुनरागमन केले आहे.