Video : हैदाराबादेत सुरक्षेचा फज्जा; रोहित मैदानात येताच विराटची जर्सी घालून फॅन भर मैदानात घुसला अन्...

India vs England 1st Test :

हैदाराबाद : भारत आणि इंग्लंड यांच्यातील पाच सामन्यांच्या कसोटी मालिकेतील पहिला सामना हैदराबादच्या राजीव गांधी आंतरराष्ट्रीय क्रिकेट स्टेडियमवर खेळला जात आहे. या सामन्यात इंग्लंडच्या संघाने नाणेफेक जिंकून प्रथम फलंदाजी करण्याचा निर्णय घेतला, मात्र त्यांना मोठी धावसंख्या उभारता आली नाही.

इंग्लंड संघाचा पहिला डाव 246 धावांवर आटोपला. यानंतर भारताकडून रोहित शर्मा आणि यशस्वी जैस्वाल डावाची सुरुवात करण्यासाठी आले. यावेळी हैदराबादच्या स्टेडियममध्ये सुरक्षेचा फज्जा उडाला.

खरं तर, टीम इंडियाच्या इनिंगच्या सुरुवातीला हैदराबादच्या राजीव गांधी इंटरनॅशनल क्रिकेट स्टेडियमवर एका चाहत्याने सुरक्षा बंदोबस्त तोडला आणि मैदानात एन्ट्री मारली. आणि रोहित शर्मापर्यंत पोहोचला. यानंतर या चाहत्याने रोहित शर्माच्या पाया पडला. मात्र, नंतर सुरक्षा कर्मचाऱ्यांनी त्याला पकडून मैदानाबाहेर नेले.

भारत आणि इंग्लंड यांच्यातील पाच कसोटी सामन्यांच्या मालिकेतील पहिला सामना हैदराबादमध्ये खेळला जात आहे. पहिल्या दिवसाचा खेळ संपेपर्यंत टीम इंडियाने पहिल्या डावात एक विकेट गमावून 119 धावा केल्या होत्या. यशस्वी जैस्वाल 70 चेंडूत 76 तर शुभमन गिल 43 चेंडूत 14 धावा करून खेळत आहे. भारत अजूनही या धावसंख्येपेक्षा 127 धावांनी मागे आहे.