कोहलीची श्रवणथीच्या आईवरील उपचारासाठी लाख मोलाची मदत

भारतीय संघाचा विद्यमान कर्णधार विराट कोहली महिला क्रिकेटरच्या मदतीला धावलाय. भारताची माजी महिला क्रिकेटर केएस श्रवणथी नायडू (K.S. Sravanthi) हिची आई सध्या कोविड 19 चा सामना करत आहे. तिची आई एस के सुमन यांच्यावर रुग्णालयात उपचार सुरु आहेत. श्रवणथीने आईच्या उपचारासाठी हैदराबाद क्रिकेट असोसिएशन आणि बीसीसीआयकडे मदतीचे आवाहन केले होते. हैदराबाद क्रिकेट असोसिएशनने 3 लाख रुपये मदत केली असून आणखी दोन लाख रुपये देण्याची तयारी दर्शवली आहे.

बीसीसीआयचे माजी अध्यक्ष एन शिवलाल यादव यांची बहिण आणि साउथ झोनची माजी क्रिकेटर एन विद्या यादव हिने मदतीचे आवाहन करताना विराट कोहलीली टॅग करुन ट्विट केले होते. याला त्याने प्रतिसाद दिलाय. श्रवणथीच्या पालकांना कोरोनाची लागण झाली आहेय पालकांवरील उपचारासाठी तिने 16 लाख रुपये खर्चे केले आहेत. कोहलीने 6. 77 लाखांची मदत केली आहे.

कोण आहे श्रवणथी नायडू

श्रवणथी नायडून भारतीय महिला क्रिकेट संघाकडून 4 वनडे सामने खेळले असून एक कसोटी सामनाही खेळला आहे. वर्ल्ड कप टी-20 पदार्पणाच्या सामन्यात श्रवणथीने विक्रमी कामगिरी नोंदवली होती. तिने पदार्पणाच्या सामन्यात 9 धावा खर्च करुन 4 विकेट घेतल्या होत्या. 2014 मध्ये भारतीय टी-20 वर्ल्ड कप संघातील ती सदस्य होती.