सगळ्यांना वाटलं तो संपलाय ...' महान खेळाडूसाठी विराटने ठेवली भावुक स्टोरी : Virat Kohli hails Ronaldo after Al Nassr star's dazzling performance vs PSG cricket news | Sakal
sakal

बोलून बातमी शोधा

Virat Kohli hails Ronaldo

सगळ्यांना वाटलं तो संपलाय ...' महान खेळाडूसाठी विराटने ठेवली भावुक स्टोरी

Virat Kohli hails Ronaldo : फिफा विश्वचषकानंतर ख्रिस्तियानो रोनाल्डोने पहिला सामना लिओनेल मेस्सीचा संघ PSG विरुद्ध खेळला. Riyadh-11 कडून खेळताना रोनाल्डोने दोन गोल केले. त्याने संपूर्ण सामन्यात चमकदार कामगिरी केली आणि अखेरीस तो सामनावीर ठरला. मात्र, तो मैत्रीपूर्ण सामना होता. रोनाल्डोचे दोन गोल असूनही, त्याच्या संघाने 4-5 च्या फरकाने सामना गमावला.

हेही वाचा: IND vs NZ: उमरान मलिक 'या' खेळाडूचा पत्ता करणार कट! टीम इंडियाच्या Playing-XI मध्ये मोठा बदल

रियाध-11 मध्ये रोनाल्डोचा नवीन क्लब अल नसर आणि त्याचा प्रतिस्पर्धी क्लब अल हिलाल यांच्या खेळाडूंचा समावेश होता. त्याचवेळी पीएसजीच्या संघात लिओनेल मेस्सी, एमबाप्पे आणि नेमार यांसारख्या स्टार खेळाडूंचा समावेश होता. रोनाल्डोच्या शानदार कामगिरीनंतर भारतीय क्रिकेट संघाचा माजी कर्णधार विराट कोहलीने टीकाकारांवर निशाणा साधला आहे. हे टीकाकार रोनाल्डोसारख्या खेळाडूवर चर्चेत राहण्यासाठी टीका करत राहतात आणि आता ते शांत बसले आहेत, असे कोहलीने म्हटले आहे.

हेही वाचा: Wrestlers Protest: अखेर कुस्तीपटूंचं आंदोलन मागे, ब्रिजभूषण यांच्या बाबत मोठा निर्णय

पीएसजीविरुद्धच्या सामन्यात रोनाल्डोला दुखापत झाली होती. त्याच्या चेहऱ्यावरही सूज आली होती, पण तो दोन गोल करण्यात यशस्वी झाला. त्याच्याशिवाय इतर खेळाडूंनीही दोन गोल केले, पण चौथा गोल खूप उशीरा झाला आणि तोपर्यंत रियाध-11 चा पराभव निश्चित झाला होता.

रोनाल्डोच्या चमकदार कामगिरीवर विराटने त्याच्या इंस्टाग्राम स्टोरीवर लिहिले, "तो वयाच्या 38 व्या वर्षीही सर्वोत्तम कामगिरी करत आहे. फुटबॉल तज्ञ प्रत्येक आठवड्याचे लक्ष वेधून घेण्यासाठी त्याच्यावर बसून टीका करतात, आता शांत व्हा, कारण तो संपला असला तरीही जगातील सर्वोच्च क्लबपैकी एकाविरुद्ध अशी कामगिरी केली.

हेही वाचा: IND vs NZ: टीम इंडियाला लागली चिंता! ‘डेथ ओव्हर’ गोलंदाजीचा प्रश्न काय सुटेना

रोनाल्डोप्रमाणेच विराट कोहलीही तीन वर्षे खराब फॉर्मशी झुंजला आहे. त्याच्या बॅटमधून शतके निघत नव्हती. तो मॅच विनिंग इनिंग खेळत नव्हता. या काळात त्याने आपल्या तंदुरुस्तीशी तडजोड केली नाही आणि अफगाणिस्तानविरुद्ध आपले पहिले टी-20 शतक झळकावून शानदार पुनरागमन केले. यानंतर त्याने बांगलादेश आणि श्रीलंकेविरुद्धही शतके झळकावली. आता तो पुन्हा लयीत आला असून एकदिवसीय विश्वचषकात त्याच्याकडून आश्चर्यकारक कामगिरी अपेक्षित आहे.