VIDEO : विराटनं DRS चा राग बॉल टॅम्परिंगकडे नेला; बघा काय घडलं | Sakal
sakal

बोलून बातमी शोधा

Virat Kohli Anger on Stump Mic After Dean Elgar DRS

रागाच्या भरात त्याने कॅमेरा पर्सनचीही शाळा घेतल्याचे पाहायला मिळाले.

VIDEO : विराटनं DRS चा राग बॉल टॅम्परिंगकडे नेला; बघा काय घडलं

भारत आणि दक्षिण आफ्रिका (India vs South Africa) यांच्यातील तिसरा आणि अखेरचा कसोटी सामना केपटाउनच्या मैदानात सुरु आहे. तिसऱ्या दिवशीचा खेळ संपला त्यावेळी दक्षिण आफ्रिकेनं (South Afria) दोन विकेटच्या मोबदल्यात शंभरी पार केली होती. अजूनही त्यांना 111 धावांची गरज आहे. दुसरीकडे टीम इंडियाला (Team India) सामन्यासह मालिका जिंकून नवा इतिहास रचण्यासाठी आठ विकेट्सची गरज आहे. तिसऱ्या दिवसाच्या खेळात दक्षिण आफ्रिकेचा कर्णधार डिन एल्गरच्या विरोधात टीम इंडियाने रिव्ह्यू घेतला. आणि तो गमावलाही. थर्ड अंपायरच्या या निर्णयावर भारतीय संघाचा कर्णधार विराट कोहलीनं नाराजी व्यक्त केली. (Virat Kohli Vents Anger on Stump Mic After Dean Elgar Gets a DRS Reprieve)

रागाच्या भरात त्याने कॅमेरा पर्सनचीही शाळा घेतल्याचे पाहायला मिळाले. भारतीय संघाने मार्करमला बाद करुन सलामी जोडी फोडण्यात यश मिळवले. त्यानंतर एल्गरही गळाला लागला. पण टेक्नोलॉजीनं त्याला साथ दिली आणि तो बराचवेळ मैदानात राहिला. तिसऱ्या दिवशीच्या खेळातील अखेरच्या षटकात बुमराहनं एल्गरला बाद केले. यावेळीही भारतीय संघाने रिव्ह्यू घेतला आणि तो यशस्वी ठरला.

हेही वाचा: RSA vs IND : तिसऱ्या दिवसाअखेर आफ्रिका 2 बाद 101 धावा

दक्षिण आफ्रिकेच्या डावातील 22 व्या षटकात अचानक विराट कोहली स्टंम्प जवळ आला. फक्त आम्ही बॉल चमकवत नाही. आमचे विरोधी अर्थात आफ्रिकेचे गोलंदाज आणि क्षेत्ररक्षकही चेंडूला चकाकी आणण्याचा प्रयत्न करत होते. उगाच आमच्यावर सारखा कॅमेरा फिरवू नका, असे विराट कोहली स्टंम्प माइकवर येऊन बोलताना दिसले. डीआरसचा राग काढताना त्याने कॅमेरामनची शाळा घेत बॉल टॅम्परिंग प्रकरणाचा मुद्दा उकरुन काढल्याचे पाहायला मिळाले. या वर्तणुकीचा विराटला काही फटका बसणार का? हे पाहणे देखील महत्त्वाचे ठरेल. त्याचा हा व्हिडिओ मात्र सध्या सोशल मीडियावर चांगलाच व्हायरल होत आहे. कोहली आणि आक्रमकता याची झलक पुन्हा एकदा पाहायला मिळते आहे.

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
loading image
go to top