CSK चा युवा खेळाडू सी. हरी निशांत अडकला लग्नबंधनात, VIDEO

चेन्नई सुपर किंग्जचा स्टार खेळाडू सी. हरी निशांत नुकताच लग्नबंधनात अडकला. सीएसकेने शुक्रवारी सकाळी त्यांच्या अधिकृत ट्वीटर खात्यावरून एक व्हिडिओ शेअर करून निशांतला लग्नाच्या शुभेच्छा दिल्या आहेत. त्याचा व्हिडीओ सध्या व्हायरल होता आहे.

सीएसकेने या नव्या जोडप्याचा व्हिडीओ आपल्या अधिकृत ट्विटवर अकाऊंटवर शेअर केला आहे. या व्हिडीओमध्ये निशांतच्या लग्नाचे काही क्षण दाखवण्यात आले आहेत. या खास क्षणांचा व्हिडीओ शेअर करत सीएसकेने दोघांनाही भविष्यासाठी शुभेच्छा दिल्या आहेत.

व्हिडिओच्या कॅप्शनमध्ये फ्रँचायझीने “हरीचे लग्न झाले! आम्ही तुम्हाला सुपर कपल’ म्हणून संबोधित करत आहोत.” असं म्हटलं आहे. निशांतच्या पत्नीचं नाव अनु आहे.

निशांतने नुकतचं आयपीएलमध्ये डेब्यू केलं आहे. देशांतर्गत क्रिकेटमध्ये तो तमिळनाडू संघाचा नियमित खेळाडू आहे. आयपीएल २०२२ मध्ये सीएसकेने सी. हरी निशांत (C Hari Nishanth) या युवा खेळाडूला खरेदी करण्यासाठी, त्याच्या बेस प्राईसएवढे म्हणजेच २० लाख रुपये खर्च केले. निशांत सीएसकेच्या संघात सहभागी असला, तरी त्याच्या आयपीएल पदार्पणाची प्रतिक्षा अजूनही संपली नाही.

२५ वर्षाच्या या खेळाडूने सैय्यद मुश्ताक अली ट्रॉफीच्या २०२०-२१ हंगामात त्याने जबरदस्त प्रदर्शन केले होत. त्याने या हंगामात ४१ च्या सरासरीने २४६ धावा केल्या होत्या. यामध्ये अंतिम सामन्यातील ३५ धावांची महत्वाची खेळीही सहभागी आहे.