Ind vs Agf : अफगाणिस्तानविरुद्ध पहिला टी-20 सामना किंग कोहली का नाही खेळणार? मोठे कारण आले समोर

India Vs Afghanistan T20I Series : 2022 च्या टी-20 वर्ल्ड कपनंतर पहिल्यांदाच भारताच्या टी-20 संघात पुनरागमन करणारा स्टार फलंदाज आणि माजी कर्णधार विराट कोहली अफगाणिस्तानविरुद्धचा पहिला टी-20 खेळणार नाही.

मोहाली टी-20 सामन्याच्या एक दिवस आधी भारतीय संघाचे मुख्य प्रशिक्षक राहुल द्रविड यांनी एक अपडेट दिले होते की, विराट कोहली 'कौटुंबिक कारणांमुळे' अफगाणिस्तानविरुद्ध पहिला सामना खेळणार नाही.

आता विराट कोहलीने अफगाणिस्तानविरुद्धच्या पहिल्या टी-20 आंतरराष्ट्रीय सामन्यातून ब्रेक घेतला असून वैयक्तिक कारणाबाबत मोठा खुलासा झाला आहे. खरंतर आज 11 जानेवारीला विराट कोहलीची मुलगी वामिकाचा वाढदिवस आहे. विराट कोहलीची मुलगी वामिका कोहली आज 3 वर्षांची झाली आहे. वामिकाचा वाढदिवस साजरा करण्यासाठी कोहलीने सुट्टी घेतली.

विराट कोहली आणि अनुष्का शर्मा अनेकदा मुलगी वामिकासोबतचे फोटो सोशल मीडियावर शेअर करत असतात. मात्र, विराट कोहली आणि अनुष्का शर्मा यांनी आपली मुलगी वामिकाचा चेहरा सोशल मीडियावर दाखवण्याचे नेहमीच टाळले आहे.