Video : सिराजनं असं काही केलं की विंडीजच्या फॅनला बसला जबर धक्का | Sakal
sakal

बोलून बातमी शोधा

WI vs IND Mohammed Siraj bowled Out Kyle Mayers West Indies Female Fan Reaction Video Gone Viral

Video : सिराजनं असं काही केलं की विंडीजच्या फॅनला बसला जबर धक्का

नवी दिल्ली : तिसऱ्या वनडे सामन्यात (West Indies Vs India 3rd ODI) भारताने वेस्ट इंडीजचा 119 धावांनी पराभव करत तीन सामन्यांची मालिका 3 - 0 अशी खिशात घातली. भारताकडून शुभमन गिलच्या (Shubman Gill) 68, शिखर धवनच्या 58 आणि श्रेयस अय्यरच्या 44 धावा केल्या. मात्र भारताच्या विजयात युझवेंद्र चहल आणि वेगवान गोलंदाज मोहम्मद सिराज (Mohammed Siraj) यांनी मोलाचे योगदान दिले. चहलने 4 तर सिराजने दोन विकेट घेतल्या.

हेही वाचा: Video : विजयची हाणामारी! डीकेचं भूत काही मानगुटीवरून उतरत नाही

डकवर्थ लुईस नियमानुसार वेस्ट इंडीजसमोर 35 षटकात 257 धावांचे आव्हान होते. विंडीजला हे आव्हान पार करण्यासाठी आक्रमक फलंदाजी करण्याची गरज होती. मात्र मोहम्मद सिराजने विंडीजला सलग दोन धक्के देत त्यांच्या मनसुब्यांना सुरूंग लावला. मोहम्मद सिराजने आपल्या पहिल्याच षटकाच्या पहिल्याच चेंडूवर कायल मायेर्सचा त्रिफळा उडवला. मायेर्सची दांडी गुल करताच विंडीजच्या एका महिला प्रेक्षकाने (West Indies Female Fan) धक्कादायक रिअॅक्शन दिली. याचा व्हिडिओ सध्या सोशल मीडियावर चांगलाच व्हायरल होत आहे.

हेही वाचा: IPL फ्रँचायजींची जगभरात 'दादागिरी', गिलख्रिस्टने केली टिका

मोहम्मद सिराजने पहिल्या षटकातच्या पहिल्या चेंडूवर मायेर्सला बाद केल्यानंतर शमरह ब्रुक्सला देखील त्याच षटकाच्या तिसऱ्या चेंडूवर पायचित पकडले. मोहम्मद सिराजने सामन्याच्या दुसऱ्याच षटकात विंडीजचे दोन फलंदाज बाद करत त्यांच्यावर दबाव निर्माण केला. या दबावाचा सामना विंडीजच्या फलंदाजीला करता आला नाही. सिराजनंतर युझवेंद्र चहलने विंडीजच्या फलंदाजीला खिंडार पाडले. त्याने 17 धावा देत 4 विकेट घेतल्या. सिराजने 14 धावा देत 2 विकेट घेतल्या. विंडीजचा संपूर्ण डाव 137 धावात संपुष्टात आला.

Web Title: Wi Vs Ind Mohammed Siraj Bowled Out Kyle Mayers West Indies Female Fan Reaction Video Gone Viral

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..