Women Twenty20 World : सर्वोत्तम खेळाडूच्या शर्यतीत भारताची केवळ रिचा घोष

महिला ट्वेन्टी-२० विश्वकरंडक स्पर्धेत केवळ दोन सामने गमावताना उपांत्य फेरीपर्यंत मजल मारण्याचा खेळ भारतीयांनी केला;
T20 Women's World Cup Richa Ghosh
T20 Women's World Cup Richa Ghoshesakal

केपटाऊन : महिला ट्वेन्टी-२० विश्वकरंडक स्पर्धेत केवळ दोन सामने गमावताना उपांत्य फेरीपर्यंत मजल मारण्याचा खेळ भारतीयांनी केला; परंतु स्पर्धेतील सर्वोत्तम खेळाडूंसाठी शॉर्ट लिस्ट करण्यात आलेल्या नऊ खेळाडूंमध्ये भारताच्या केवळ रिचा घोषला स्थान मिळाले.

यष्टीरक्षक फलंदाज असलेल्या रिषा घोषने ६८ धावांच्या सरासरीने १३६ धावा केल्या. या स्पर्धेत भारताचे आव्हान उपांत्य फेरीत ऑस्ट्रेलियाकडून झालेल्या पराभवानंतर संपुष्टात आले; तर गटसाखळीत इंग्लंडकडूनही हार झाली होती.

भारतीय संघात फिनिशर म्हणून जबाबदारी पार पाडत असलेल्या रिचाने दक्षिण आफ्रिका आणि इंग्लंड यांच्याविरुद्धच्या लढतींमध्ये ४० पेक्षा अधिक धावा केल्या होत्या. यात इंग्लंडविरुद्ध ४७ धावांची खेळी केली; परंतु भारताला विजय मिळवता आला नव्हता. रिचा पाच सामन्यांत केवळ दोनदाच बाद झाली. तिचा स्ट्राईक रेट १३० पेक्षा अधिक आहे.

सर्वोत्तम खेळाडूच्या पुरस्कारासाठी शॉर्ट लिस्ट करण्यात आलेल्या इतर खेळाडूंमध्ये ऑस्ट्रेलियाचे तीन, इंग्लंडचे दोन, दक्षिण आफ्रिका आणि वेस्ट इंडीज यांच्या प्रत्येकी एका खेळाडूचा समावेश आहे. सर्वोत्तम खेळाडूची निवड करताना क्रिकेट चाहत्यांनी वोटिंग करून दिलेल्या मतांचाही सहभाग असणार आहे.

उद्या स्पर्धेचा अंतिम सामना होत असून गतविजेत्या ऑस्ट्रेलियासमोर यजमान दक्षिण आफ्रिका दोन हात करणार आहेत. ऑस्ट्रेलियाकडे मोठा अनुभव आहे, तर दक्षिण आफ्रिका प्रथमच अंतिम सामना खेळणार आहे. या अंतिम सामन्यानंतर स्पर्धेतील सर्वोत्तम खेळाडू जाहीर करण्यात येणार आहेत.

ब्रेक घ्या, डोकं चालवा, कोडे सोडवा!

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Marathi News Esakal
www.esakal.com