Women's Asia Cup: महिला आशिया करंडकाबाबत संभ्रम; अजून अधिकृत घोषणेची प्रतीक्षा

दुबई: सूर्यकुमार यादवच्या भारतीय संघाने टी-२० आशिया करंडक जिंकलेला असूनही अजून करंडक न देणारे आशिया क्रिकेट परिषदेचे अध्यक्ष पाकिस्तानचे मोहसिन नक्वी यांनी महिलांच्या आशिया करंडक स्पर्धेबाबतही संभ्रम निर्माण केला आहे. महिलांची ही आशिया करंडक स्पर्धा अमिरातीमध्ये खेळवली जाण्याची शक्यता वर्तवली जात आहे; परंतु आशिया क्रिकेट परिषदेने अधिकृतपणे स्पर्धेची घोषणा केलेली नाही. ही स्पर्धा २८ ऑगस्ट ते १३ सप्टेंबर या कालावधीत खेळवली जाण्याची शक्यता आहे.