World Cup 2023 : विश्वकरंडक स्पर्धेत विजेतेपदासाठी भारतीय संघाला कपिलदेव यांचा मोलाचा सल्ला, "दडपणाचे ओझे.. "

भारतात ५ ऑक्टोबर ते १९ नोव्हेंबरदरम्यान होणाऱ्या विश्वकरंडक स्पर्धेसाठी भारतीय संघाला विजेतेपदासाठी अधिक पसंती दिली जात आहे.
World Cup 2023
World Cup 2023Sakal

बंगळूर - घरच्या मैदानावर पुन्हा एकदिवसीय विश्वकरंडक क्रिकेट स्पर्धेत विजेतेपद मिळवायचे असेल, तर भारतीय संघाला प्रथम दडपणांचे ओझे कमी करावे लागेल, असे मत विश्वविजेते माजी कर्णधार कपिलदेव यांनी व्यक्त केले.

भारतात ५ ऑक्टोबर ते १९ नोव्हेंबरदरम्यान होणाऱ्या विश्वकरंडक स्पर्धेसाठी भारतीय संघाला विजेतेपदासाठी अधिक पसंती दिली जात आहे.

भारतीय संघ या स्पर्धेकडे कशा दिशेने जाणार आहे, त्यासाठी त्यांचा रस्ता कसा असेल, हे आपल्याला माहीत नाही, अजून संघ जाहीर व्हायचा आहे; पण भारतीय संघाकडे नेहमीच संभाव्य विजेते म्हणून पाहिले जाते, असे कपिलदेव यांनी म्हटले आहे.

World Cup 2023
Mumbai News : चेंबूरमध्ये पावसाळ्यात रात्रीचे जागरण!

घरच्या मैदानावर अशा महत्त्वाच्या स्पर्धांत मोठे यश मिळवायचे असेल, तर प्रथम चारही बाजूंनी येणाऱ्या अपेक्षांच्या दडपणाचा सामना करावा लागतो.

आपण घरच्या मैदानावर एक विश्वकरंडक जिंकलेला आहे. या वेळीही तशी संधी असेल. ज्या खेळाडूंना संधी मिळेल, ते करंडक उंचावतील, अशी अपेक्षा कपिलदेव यांनी व्यक्त केली.

World Cup 2023
Nashik-Mumbai Traffic : नाशिक मुंबई वाहतूक कोंडी वरून थोरातांचा भुजबळांना चिमटा; म्हणाले...

१३१ कसोटी आणि २२५ एकदिवसीय सामने खेळलेले कपिलदेव वेगवान गोलंदाज असूनही यांनी दुखापतींमुळे कारकिर्दीत एकही ब्रेक घेतला नव्हता; पण आधुनिक युगातील सध्याचे क्रिकेटपटू वारंवार दुखापतग्रस्त होत असताना त्यांना सातत्याने फिटनेसचा प्रश्न येत असतो.

भारतीय संघाचा हुकमी वेगवान गोलंदाज जसप्रीत बुमरा अशाच प्रकारे वर्षभर संघाबाहेर आहे. जेवढ्या प्रमाणात क्रिकेट खेळले जाते, तेवढ्या प्रमाणात त्यांची काळजी घेतली जात नाही, असे कपिलदेव यांनी म्हटले आहे.

आमचा काळ वेगळा होता. त्या वेळी सातत्याने फार कमी वेळ आंतरराष्ट्रीय क्रिकेट खेळण्याची संधी मिळायची. आता तर वर्षातील १० महिने हे खेळाडू खेळतच असतात अशा परिस्थितीत दुखापतीतून मुक्त राहण्यासाठी शरीरावर किती ताण पडतोय, याचे जाण ठेवणे महत्त्वाचे आहे.

प्रत्येकाची शरीरक्षमता वेगळी असते, त्यामुळे प्रत्येकाची वेगवेगळी तयारी असू शकते, असे कपिलदेव यांनी सांगितले.

World Cup 2023
Nashik-Mumbai Traffic : नाशिक मुंबई वाहतूक कोंडी वरून थोरातांचा भुजबळांना चिमटा; म्हणाले...

एकेकाळी सर्वात बलाढ्य असलेला वेस्ट इंडिजचा संघ भारतातील या विश्वकरंडक स्पर्धेस पात्र ठरलेला नाही, याबाबत विचारले असता कपिल म्हणाले, विश्वकरंडक स्पर्धेत वेस्ट इंडिजचा संघ नाही,

हा विचारही वेदना देणारा आहे, त्यांची एवढी अधोगती कशामुळे झालीय, हे मला माहीत नाही; पण लवकरच ते पुन्हा यशाच्या मार्गावर येतील, अशी अपेक्षा करुया.

ब्रेक घ्या, डोकं चालवा, कोडे सोडवा!

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Marathi News Esakal
www.esakal.com