विश्वचषक २०२३ स्पर्धेत बुधवारी (दि. १८ ऑक्टोबर) न्यूझिलंड आणि अफगाणिस्तान या संघांमध्ये सामना खेळवला गेला. या सामन्यात अफगाणिस्तानला १४९ धावांनी पराभवाचा सामना करावा लागला.
अफगाणिस्तान संघाने नाणेफेक जिंकून क्षेत्ररक्षणाचा निर्णय घेतला होता. अफगाणिस्तानच्या गोलंदाजांनी चांगली सुरुवात करुन दिली. न्यूझिलंडचा आक्रमक फलंदाज डिवॉन कॉनवे याला २० धावांवर असताना मुजीब उर रेहमान याने पायचीत केले. त्यानंतर वील यंग याने अर्धशतक झळकावलं. त्याने ६४ चेंडूत ५४ धावा केल्या.
टॉम लेथम याने ७४ चेंडूत ६८ धावा केल्या, ज्यात २ षटकारांचा समावेश होता. त्यानंतर ग्लेन फिलिप्स याने ४ चौकार आणि ४ षटकारांच्या मदतीने ७१ धावा केल्या. फलंदाजांच्या चांगल्या प्रदर्शनामुळे न्यूझिलंड संघ निर्धारीत ५० षटकांत २८८ धावांपर्यंत मजल मारु शकला.
२८९ धावांचा पाठलाग करताना अफगाणिस्ताची सुरुवात खराब झाली. सलामीवीर रहमानुल्लाह गुरबाझ अवघ्या ११ धावांवर असताना त्रिफळाचित झाला. सलामीवीर इब्राहिम झद्रान फार काही करु शकला नाही. १४ धावा करत तोही बाद झाला. त्यानंतर ठराविक अंतराने फलंदाज बाद होत गेले आणि १३९ धावांवर संघ सर्वबाद झाला आणि अफगाणिस्तानला १४९ धावांच्या मोठ्या फरकाने पराभव स्विकारावा लागला. (Latest Marathi News)
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
