युझवेंद्र चहलने रचला इतिहास, अशी कामगिरी करणारा पहिला भारतीय गोलंदाज

Yuzvendra Chahal England vs India 2nd ODI : भारत आणि इंग्लंड यांच्यातील तीन एकदिवसीय मालिकेतील दुसरा सामना लॉर्ड्स मैदानावर खेळल्या जात आहे. दुसऱ्या सामन्यात युझवेंद्र चहलने आपल्या फिरकीची जाळ्यात एकापाठोपाठ एक 4 इंग्लिश फलंदाजांना पॅव्हेलियनचा रस्ता दाखवला. लॉर्ड्सच्या ऐतिहासिक मैदानावर चहलने हा खास विक्रम केला आहे. चहलने लॉर्ड्सवर 4 बळी घेणारा पहिला भारतीय गोलंदाज बनला आहे.(yuzvendra chahal first indian bowler to take 4 more wickets in odi at lords stadium)

1983 च्या विश्वचषकात लॉर्ड्सवर यापूर्वी वेस्ट इंडिजविरुद्ध मोहिंदर अमरनाथने 26 धावांत 3 बळी घेतल्या होत्या. याच मैदानावर आशिष नेहराने 2004 साली इंग्लंडविरुद्ध 26 धावांत 3 बळी घेतले होते. दुसऱ्या एकदिवसीय सामन्यात चहलने 10 षटकात 47 धावा देत 4 बळी घेत अप्रतिम कामगिरी केली. चहलने बेअरस्टो, जो रूट, बेन स्टोक्स आणि मोईन अली यांना आपल्या फिरकीत जाळ्यात अडकून पॅव्हेलियनचा रस्ता दाखवला. चहलने लॉर्ड्सवर 4 विकेट घेत भारतीय क्रिकेटच्या इतिहासात आपले नाव नोंदवले आहे.