Yuzvendra Chahal : चहलची बायको देणार घटस्फोट? इंस्टावरुन नाव केलं डिलीट अन्...

Yuzvendra Chahal Wife Dhanashree Verma : टीम इंडियाचा स्टार फिरकीपटू युझवेंद्र चहल सध्या क्रिकेटमधून ब्रेकवर असून आता तो थेट आशिया कपमध्ये खेळणार आहे. मात्र युझवेंद्र चहल हा त्याच्या वैयक्तिक आयुष्यामुळे आता जास्त चर्चेत आला आहे. युजवेंद्र चहलने त्याच्या इंस्टाग्रामवर एक स्टोरी शेअर केली आहे, ज्यानंतर त्याच्या घटस्फोट संबंधित चर्चाना सुरू झाल्या आहेत. युझवेंद्र चहलची पत्नी धनश्री वर्माने काही दिवसांपूर्वी इन्स्टाग्रामवर तिचे नाव बदलले होते. आधी ती धनश्री वर्मा चहल लावत होती, पण आता ती फक्त धनश्री वर्मा लिहीत आहे. या बदलानंतर युजवेंद्र चहलने त्याच्या इंस्टाग्रामवर एक स्टोरी शेअर केली, ज्यामध्ये 'न्यू लाइफ लोडिंग' असे लिहिले आहे.

सोशल मीडियावर अशी खळबळ माजल्यानंतर अनेक अंदाज बांधले जाऊ लागले आहेत, ट्विटरवरही अनेक चाहत्यांनी दोघांच्या नात्याबद्दल बोलले आहे. मात्र या दोघांकडून अद्याप कोणतेही अधिकृत वक्तव्य आलेले नाही. अशा परिस्थितीत जे काही चालले आहे, ते सर्व एक अटकळ आहे. लॉकडाऊन दरम्यान युजवेंद्र चहल आणि धनश्री वर्मा यांनी लग्नाचे फोटो शेअर केले होते. दोघांनी डिसेंबर 2020 मध्ये लग्न केले आणि सोशल मीडियाच्या माध्यमातून चाहत्यांना याची माहिती दिली होती. धनश्री वर्मा एक कोरिओग्राफर आहे, तिचे डान्स व्हिडिओ सोशल मीडियावर चर्चेत असतात.

टीम इंडियाचे सर्व स्टार आणि सीनियर खेळाडू यावेळी ब्रेकवर आहेत. केएल राहुलच्या नेतृत्वाखालील संघ झिम्बाब्वेमध्ये एकदिवसीय मालिका खेळत आहे, तर टीम इंडियाला त्यानंतर आशिया कप खेळायचा आहे. त्यानंतरच युजवेंद्र चहलही टीम इंडियासोबत परतणार आहे. युझवेंद्र चहलने टीम इंडियासाठी 67 वनडेमध्ये 118 विकेट घेतल्या आहेत, तर 62 वनडेमध्ये 79 विकेट घेतल्या आहेत. युझवेंद्र चहलने आतापर्यंत आयपीएलमध्ये 131 सामन्यांमध्ये 166 विकेट घेतल्या आहेत, तो सध्या राजस्थान रॉयल्सशी संबंधित आहे.