एक किलो भाजीची किंमत १ लाख रुपये?  जाणून घ्या नेमकं काय आहे कारण

वातावरणातील बदलांचा परिणाम थेट पिकांवर होत असतो. त्यामुळे बाजारपेठांमध्ये कायम भाजीपाला आणि अन्य खाद्यपदार्थांच्या किंमतीच्या दरात चढ-उतार होत असतात. अनेकदा भाज्यांचे भाव हे कडाडीचे वाढल्याचं पाहायला मिळतं. यात साधारणपणे कांदा, लसूण, टोमॅटो किंवा पालेभाज्या यांचे भाव बऱ्याचदा ३० ते ४० रुपये असल्याचं पाहायला मिळतं. परंतु कधी कोणत्या भाजीचा भाव १ लाख रुपये झाल्याचं ऐकलं आहे का? सहाजिकचं नाही. इतक्या महाग किंमतीत कोणीही भाजी विकत नाही किंवा खरेदी करत नाही. परंतु, सोशल मीडियावर अशाच एका भाजीची चर्चा रंगली आहे. जी चक्क १ लाख रुपये किंमतींना विकली जात आहे. विशेष म्हणजे ही भाजी आरोग्याच्या दृष्टीने अत्यंत गुणकारी असल्यामुळे तिची मागणीदेखील वाढत आहे. 

बिहारमधील औरंगाबाद येथे राहणाऱ्या अमरेश सिंह या तरुण शेतकऱ्याने त्याच्या शेतात एक नव्या प्रकारच्या भाजीचं पिक घेतलं आहे. विशेष म्हणजे ही भाजी खरेदी करण्यासाठी १ लाख रुपयाची रक्कम मोजावी लागणार आहे. 

अमरेश सिंह यांनी त्यांच्या शेतात हॉप-शूट्स (hop-shoots) नावाच्या भाजीचं पिक घेतलं आहे. या भाजीचा खासकरुन वापर बिअरच्या फ्लेवरिंगसाठी केला जातो. परंतु, आता या भाजीचा एक नवा गुणधर्म समोर आला आहे.या भाजीचा औषध म्हणूनही वापर करण्यात येऊ लागला आहे.  या भाजीमुळे शरीरात कॅन्सरच्या सेल्स मारल्या जातात. त्यामुळे या भाजीची मागणी वाढली आहे.

कसा करतात या भाजीचा वापर

हॉप कोन्सच्या फुलांचा वापर बिअर करण्यासाठी केला जातो. तर भाजीच्या डहाळ्यांचा किंवा देठाचा वापर भाजी करण्यासाठी केला जातो. आयएएस ऑफिसर सुप्रिया साहू यांनी ट्विटच्या माध्यमातून या भाजीविषयी माहिती दिली आहे.