Daughters Day 2023 : मुलीला लक्ष्मीचे रूप मानल्या जाते. आज जागतिक कन्या दिवस. मुल हे निसर्गाने पालकांना दिलेली सुंदर देणगी आहे असं म्हणायला हरकत नाही. ज्या घरात मुली जन्माला येतात ते खरंच खूप भाग्यवान असतात असे म्हटले जाते. मुलीचा सन्मान करण्यासाठी दरवर्षी सप्टेंबर महिन्याच्या शेवटच्या रविवारी 'डॉटर्स डे' साजरा केला जातो.
स्त्री पुरुष समानतेचा सन्मान करण्यासाठी आणि मुलगा व मुलगी यांच्यातील भेदभावाची खोल दरी कमी करण्यासाठी संयुक्त राष्ट्र संघाने पुढाकार घेतला होता. मुलींचे समाजातील समान दर्जाचे महत्व ओळखून, संयुक्त राष्ट्र संघाने ११ ऑक्टोबर २०१२ रोजी पहिल्यांदा मुलींचा सन्मान करण्यासाठी एक दिवस घोषित केला. तेव्हापासून हा दिवस दरवर्षी सप्टेंबर महिन्याच्या शेवटच्या रविवारी साजरा केला जातो.
मुलींनी आज प्रत्येक क्षेत्रात मजल मारली असली तरी अजूनही ठिकठिकाणी स्त्रीभृण हत्या, गर्भपात, महिला अत्याचार यांसारखे प्रकार घडत आहेत. ही मानसिकता बदलणे हाच डॉटर्स डे साजरा करण्यामागचा खरा उद्देश. या दिवशी ठिकठिकाणी जागरूकता निर्माण करणारे कार्यक्रम राबविले जातात.
चूल आणि मूल ही संकल्पना समाजात मोठ्या प्रमाणात बदलताना दिसतेय. मात्र आजही समाजातील काही स्तरांत मुलींना कमी लेखल्या जाते. मात्र मुली कुठल्याही क्षेत्रात कमी नाहीत याची जाणीव करून देण्याचा हा दिवस आहे. पण ही जाणीव या दिवसापूर्ती मर्यादित नसावी तर प्रत्येक दिवशी मुलींचा तेवढाच सन्मान अपेक्षित आहे.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.