सायली शिंदे
सतत पोट फुगलेले वाटणे, जेवल्यावर लगेच आंबट ढेकरा, किंवा बद्धकोष्ठता ही फक्त पचनसंस्थेची त्रासदायक लक्षणे नाहीत; ही आपल्या जीवनशैलीमध्ये बदलांची गरज असल्याचे सांगणारी धोक्याची घंटा असते. आजकालची धावपळीची दिनचर्या, झटपट आहार, कमी हालचाल, आणि सततचा ताण हे पचनाच्या त्रासांचे प्रमुख कारण आहे. योगशास्त्रात यावर प्रभावी उपाय आहेत. विशिष्ट आसनांमुळे शरीरातील अपान वायू निघून जातो, पचन क्रिया सुधारते, लिव्हर, पॅन्क्रियाजसारखे अवयव सक्रिय होतात.