Steps to Declutter Mind and Reduce Stress: माझी पर्स म्हणजे एक छोटंसं म्युझियम आहे. जुन्या बिलांच्या पावत्या, दोन औषधांच्या स्ट्रिप्स, कंगवा, रुमाल, अर्धवट संपलेली लिपस्टिक, एक रिकामी सॅनिटायझरची बाटली, आणि सर्वांत महत्त्वाचं अर्धवट भावना!
हो, खरंच. त्या पर्समध्ये कुठेतरी एक ‘काल मी जरा जास्त बोलले का?’ लपलेलं आहे. एका झिपमध्ये ‘ती माझ्यावर अजूनही रागावली असेल का?’ पडून आहे. साईडच्या खिशात ‘मी नीट केलं का?’ असा शंकेचा कागद दुमडून ठेवलेला आहे. आणि अजून एक मोठ्ठा कप्पा - ‘मी सगळ्यांसाठी करते; पण माझ्यासाठी कोण?’ या प्रश्नानं भरलेलं.