आई झाल्यानंतर आनंदी राहण्याऐवजी भीती वाटतेय? मग हे वाचाच! तज्ज्ञ देतात महत्त्वाचा इशारा

What is Edinburgh Postnatal Depression Scale: प्रसूतीनंतरचा काळ (चौथा तिमाही) म्हणजे थकवा, डोळ्यांत पाणी येणे, सतत विचारांचे चक्र सुरू राहणे आणि भावनिक चढ-उतार यांचा काळ असतो, असे अनेकदा गृहीत धरले जाते. त्यामुळेच प्रसूतीनंतरची चिंता (Postpartum Anxiety – PPA) आणि प्रसूतीनंतरचे नैराश्य (Postpartum Depression – PPD) या मानसिक आरोग्याशी संबंधित समस्या अनेक महिलांमध्ये वेळेवर निदान न होता दुर्लक्षित राहतात. ही लक्षणे नवमातृत्वातील सामान्य अडचणी समजून दुर्लक्ष केली जातात, परंतु प्रत्यक्षात ती गंभीर मानसिक आरोग्य समस्येची सुरुवात असू शकते.