Mosquitoes Protection : डासांपासून तुमचं संरक्षण करेल अवघ्या दहा रुपयांचा हा उपाय

कमी स्वच्छतेच्या ठिकाणी डास मोठ्या प्रमाणात दिसून येतात. तसेच थंडीच्या दिवसांतही डासांचे प्रमाण वाढते. अनेकदा डास चावल्याने तुमच्या मलेरिया डेंग्यू सारखे आजाराचा धोका वाढतो. तेव्हा हिवाळ्यात डासांपासून बचाव करण्यासाठी हा सोपा आणि स्वस्त उपाय जाणून घ्या.

बाजारात डासांपासून बचाव करणारे कॉइल (Mortein ), अगरबत्ती, साउंड मशीन, इलेक्ट्रिक बग कॅचर अशा अनेक प्रकारच्या गोष्टी उपलब्ध आहेत, मॉस्किटो रिपेलंट मशिनसोबत (Mosquito Repellent) येणाऱ्या द्रवामध्ये इतकी रसायने असतात की त्याचा परिणाम थेट तुमच्या श्वसनावर किंवा आरोग्यावर होऊ शकतो. तर काहींना यामुळे त्वचेची अॅलर्जीही होऊ शकते.

हे साहित्य आणून घरच्या घरी दहा रुपयांत करा डासांपासून बचाव

साहित्य

१) अर्धा लिटर टर्पेन्टाइन तेल

२) 20-50 ग्राम कापूर

तुम्हाला कापूर बारीक करून त्याचं पावडर टर्पेन्टाइन ऑइलमध्ये मिक्स करायचं आहे. आणि मॉस्किटो रिपेलंट रिफिलमध्ये भरा. सामान्य बाजारातून आणलेल्या रिफिलप्रमाणेच ते मशीनमध्ये वापरले जाऊ शकते. घरामध्ये असलेल्या सर्व मशीनमध्ये तुम्ही याचा वापर करू शकता. यासोबतच खोलीला टर्पेन्टाइन आणि कापूरचा वास येईल. ते स्प्रे बाटलीत भरूनही वापरता येते.

आणखी एक सोपा उपाय

साहित्य

कडूलिंबाचे तेल

खोबरेल तेल (अर्धी वाटी)

उकळलेले पाणी

वोडका (4-5 चमचे)

हे सर्व घटक एकत्रित केल्यास तुम्ही त्याचा स्प्रे तयार करू शकता. या दोन्ही गोष्टी तुम्ही ऑइल डिफ्युझरमध्ये वापरू शकता आणि स्प्रे बाटलीत ठेवून घरामध्ये शिंपडू शकता.