अश्‍विनी आपटे- खुर्जेकर
येत्या रविवारी आपण फ्रेंडशिप डे म्हणजेच मैत्री दिवस साजरा करणार आहोत. मैत्री म्हणजे आयुष्याला मिळालेली एक सुंदर भेट. जसं आपल्याला हवा, पाणी, अन्न आवश्यक आहे, तशीच खरी मैत्रीही आपल्या भावनिक आरोग्यासाठी आवश्यक असते. फ्रेंडशिप डेच्या निमित्तानं अनेक जणांना आपले जुने मित्र-मैत्रिणी आठवतात. सोशल मीडियावर एकमेकांना शुभेच्छा दिल्या जातात. आठवणी शेअर केल्या जातात. पण या सगळ्यात एक प्रश्न मात्र मनात निर्माण होतो, खरंच मी स्वतःची मैत्रीण आहे का? आणि मैत्रिणींनो हा प्रश्न तुम्हीही स्वतःला विचारणं अतिशय महत्त्वाचं आहे.