Spider Plant: स्पायडर प्लॅंट लावताना कोणत्या गोष्टींची काळजी घ्यावी
gardening tips how to grow spider plant follow these tips
घराची सजावट करण्यासाठी इनडोअर प्लॅंट्स ठेऊ शकता. यामुळे घर अधिक आकर्षक दिसते. तुम्ही मनी प्लांटसोबतच स्पायडर प्लॅंट देखील घरात ठेऊ शकता. यामुळे घरातील हवा शुद्ध राहते. या प्लॅंटची खास गोष्ट म्हणजे याची जास्त काळजी घ्यावी लागत नाही. पण अनेकवेळा काही कारणांमुळे हे रोप पिवळं पडतं. अशावेळी कोणती काळजी घ्यावी हे जाणून घेऊया.
पानं तपकिरी पडणे
स्पायडर प्लॅंटला जास्त पाणी किंवा खत दिल्याने पानं पिवळी पडतात. यामुळे योग्य प्रमाणात खत आणि पाणी घालावे. जेव्हा रोपाला पाण्याची गरज असेल तेव्हाच पाणी टाकावे. या रोपाला थेट सुर्यप्रकाशात ठेऊ नका.
पानं गळणे
स्पायडर प्लॅंटला कमी-जास्त पाणी दिल्याने त्याची पानं गळू लागतात. सर्वात पहिले जमिनीतील ओलावा तपासणे आणि त्यानुसार झाडाला पाणी द्यावे.
पानं पिवळी पडणे
स्पायडर प्लॅंटची पानं पिवळी अनेक कारणांमुळे पडतात. या रोपाला थेट सुर्यप्रकाश, जास्त किंवा कमी पाणी दिल्यास पिवळी पडू शकतात. स्पायडर प्लॅंटला चुकूनही थेट सुर्यप्रकाशात ठेऊ नका. तसेच खत आणि पाणी आवश्यकतेनुसार टाकावे.
पानांवर डाग दिसणे
पानंवर किड पडल्यास किंवा हवामानात बदल झाल्यास किटकनाशक म्हणून रोपावर कडुलिंबाच्या तेलाची फवारणी करावी. यामुळे रोपाची योग्य वाढ होईल.
मुळा सडणे
अनेक वेळा झाडामध्ये जास्त पाणी साचल्यामुळे त्याची मुळे कुजायला लागतात. यामुळे कुंडीमध्ये छोटे छोटे छिद्र करावे. यामुळे तुमचा स्पायडर प्लॅंट दीर्घकाळ टिकू शकतो.
पुढील गोष्टीही ठेवा लक्षात
स्पायडर प्लॅंट थेट सुर्यप्रकाशात ठेऊ नका.
मातीची आर्द्रता तपासत रोपाला पाणी टाकावे.
दर 2-3 महिन्यांनी रोपाला खत द्या.
मृत पाने आणि देठ काढून टाकावे.
झाडाचे कीटक आणि रोगांपासून संरक्षण करण्यासाठी घरगुती उपाय करावे.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.