बिअर पिताय? थांबा आधी त्याचे फायदे-तोटेही जाणून घ्या

मद्यपान किंवा धुम्रपान करणं आरोग्यासाठी घातक आहे हे साऱ्यांनाच ठावूक आहे. मात्र,तरीदेखील आजची तरुणाई या व्यसनांच्या आहारी गेल्याचं पाहायला मिळतं. त्यातच उद्यापासून श्रावण सुरु होतोय म्हणून आज प्रत्येक जण मोठ्या उत्साहात गटारी अमावस्या साजरी करत आहे. त्यातच सध्याच्या तरुणांची पार्टी म्हणजे नॉनव्हेज आणि मद्यपान हे आलंच. अनेक जण मद्यपान करत असताना केवळ बिअर पितात. अनेकांच्या मते बिअर प्यायल्यामुळे काहीच होत नाही. परंतु, बिअरदेखील अल्कोहोलचाच प्रकार असल्यामुळे त्याचेदेखील शरीरावर विपरित परिणाम होत असतात. म्हणूनच, बिअर पिण्याचे फायदे-तोटे कोणते ते पाहुयात. (health benefits of disadvantages of drinking beer)

बिअर पिण्याचे तोटे -

१. बिअरच्या सेवनामुळे मधुमेह होण्याची शक्यता असते.

२. बिअरमुळे शरीरातील इन्शुलिनचं प्रमाण वाढतं.

३. अल्कोहोलच्या सेवनाने क्रोनिक पॅन्क्रियाटाइटिस या रोगाचाही धोका संभवतो.

४. ब्लडप्रेशर वाढतं.

५. बिअरचे दुष्परिणाम हळूहळू जाणवू लागतात.

६.लिव्हरला सूज येते.

बिअर पिण्याचे फायदे -

१. बिअर पिणाऱ्या व्यक्तींमध्ये मधुमेह होण्याची शक्यता असली तरीदेखील त्यांना टाईप २ चा मधुमेह होत नाही.

२. हाडांना बळकटी मिळते.

३. अल्झायमर आणि डिमेंशिआ सारख्या आजारात बिअर फायदेशीर आहे.

४. बिअरमध्ये पाण्याचं प्रमाण जास्त असल्यामुळ किडनी किंवा मुतखड्यासारखे त्रास होत नाहीत.

५. पिंट बिअरच सेवन केल्यामुळे हृदयरोगाचा धोका ३१ टक्क्यांपर्यंत कमी होतो.

(ही बातमी संशोधकांनी केलेल्या वैद्यकीय संशोधनावर तसेच तज्ज्ञांच्या मतांवर आधारित आहे. या मतांशी 'सकाळ ऑनलाइन'चा कोणताही संबंध नाही. त्यामुळे कोणतेही वैद्यकीय उपचार करण्यापूर्वी आरोग्यतज्ज्ञ आणि डॉक्टरांशी योग्य तो सल्लामसलत करणे आवश्यक आहे.)