Health Care News: चटकदार लोणचं चवीने खाताय तर थांबा! या गंभीर आजारांचा करावा लागेल सामना

जेवण करत असताना आपल्या ताटात लोणचं असतंच. याच कारण म्हणजे त्याच्याशिवाय जेवण जातंच नाही. पण, सतत लोणचे खात असाल तर काळजी घ्या कारण ते अनेक रोगांचे घर असू शकते. कळत-नकळत अनेकजण लोणचे खाऊन आपल्या आरोग्याशी खेळत असतात.

जेवणासोबत लोणचे खाल्ल्याने कोणत्याही साध्या अन्नाची चव वाढते हेही खरे आहे. पण लोणचे जास्त खाणे तुमच्या आरोग्यासाठी खूप हानिकारक आहे. त्याचबरोबर अनेक आजारांना आमंत्रण देणारे आहे.

लोणचे खाण्यास का मनाई आहे?

लोणचे जास्त प्रमाणात खाण्यास मनाई आहे कारण ते बनवताना त्यात मोठ्या प्रमाणात मीठ वापरले जाते. त्यामुळे तुमच्या शरीरात सोडियमचे प्रमाण वाढू शकते. त्यामुळे एखाद्या व्यक्तीला वॉटर रिटेंशन, पोट फुगणे, उच्च रक्तदाब आणि किडनीच्या आजाराशी संबंधित समस्या असू शकतात. लोणच्यामध्ये असलेले सोडियम तुमच्या शरीरातील कॅल्शियम कमी करू शकते.

कोलेस्टेरॉलची समस्या

जास्त लोणचे खाणाऱ्या व्यक्तीला उच्च कोलेस्ट्रॉलची समस्या असते. त्यामुळे लोणचे जास्त खाणे टाळावे. लोणचे दीर्घकाळ साठवले जाते. ज्यामध्ये भरपूर तेल वापरले जाते. त्यामुळे एखाद्या व्यक्तीने जास्त तेल खाल्ल्यास कोलेस्ट्रॉल वाढते.

उच्च रक्तदाब

बीपीच्या रुग्णांसाठी लोणचे खाणे विषापेक्षा कमी नाही. लोणच्यामध्ये असलेले मीठ बीपीच्या रुग्णाच्या शरीरात सोडियमचे प्रमाण वाढवते. ज्यामुळे हृदयविकार होऊ शकतो.

सूज येऊ शकते

लोणचे जास्त खाल्ल्यानेही शरीरात सूज येऊ शकते. कारण लोणचे जास्त काळ ताजे ठेवण्यासाठी त्यात मीठ आणि तेल मिसळून ते जास्त काळ ठेवतात. खूप लोणचे खाल्ल्याने पोटात गॅसची समस्या देखील होऊ शकते आणि चयापचय आणि यूरिक ऍसिडच्या समस्या देखील वाढू शकतात.