Healthy Diet : रोजच्या चपातीला बनवा हेल्दी, फक्त गव्हाच्या पिठात टाका हा एक पदार्थ, वजन होईल कमी

Healthy Diet :  वजन कमी करण्यासाठी धडपडणाऱ्या प्रत्येकाच्या तोंडात एक वाक्य असते. ते म्हणजे मी चपाती, भाकरी बंद केली म्हणून वेट लॉस झालंय. किंवा मी भात बंद केला म्हणून मी बारीक होऊ शकते. तर याच कारण असं की या सगळ्या पदार्थांमध्ये कार्बोहायड्रेड जास्त प्रमाणात असतात. वजन वाढण्यासाठी या गोष्टी कारणीभूत असतात त्यामुळे लोक चपाती, भाकरी खायला नकार देत आहेत.

ग्लूटेन फ्री डायट

सध्या एक फॅड आहे ते म्हणजे ग्लुटेन फ्री डायट केल्याने शरीरावरील चरबी कमी होते. त्यामुळे डायटमध्ये चपाती भाकरी ऐवजी उकडलेल्या भाज्या, कडधान्य खाण्यावर जोर दिला जातो. चपातीमध्ये असलेले ग्लूटेन हट्टी चरबी वाढवतं त्यामुळे अनेक लोकांची चपाती खाणं बंद झालं आहे. (Weight Loss Tips In Marathi)

पण तुम्ही चपाती शौकीन असाल किंवा चपाती खाल्ल्याशिवाय पोट भरल्यासारखे वाटत नाही असे तुम्हालाही वाटत असेल. तर काळजी करू नका. आज आम्ही तुम्हाला एक युक्ती सांगणार आहोत जी तुम्ही वापरली तर चपाती खाऊनही तुमचं वजन वाढणार नाही. कसं ते पाहू

गव्हाच्या पिठात टाका हा पदार्थ

चपातीसाठी कणिक मळत असताना त्यामध्ये जर तुम्ही पिठात बेसन टाकले तर तुमची चपाती अधिकच पौष्टिक होणार आहे. बेसन हे हरभऱ्याच्या डाळीपासून बनतं. हरभऱ्यात भरपूर प्रमाणात प्रोटीन असतात. त्यामुळे गव्हाच्या पिठात जर तुम्ही बेसन मिसळले तर तुम्हाला वजन कमी होण्यास मदत होणार आहे. (Wheat)

किती प्रमाणात घ्यावे

तुम्ही एक कप किंवा एक वाटी गव्हाचे पिठ घेत असाल तर त्यात अर्धी वाटी बेसन घालावे. यामुळे पीठातील प्रोटीनचे प्रमाण वाढेल अशी आरोग्यदायी चपाती खाल्ल्याने तुमच्या आरोग्याला अनेक फायदे होतील. (Diet Tips)

चपाती बनवताना हे लक्षात ठेवा

कणिक मळत असताना बेसन आणि गव्हाचे पीठ योग्य प्रमाणात घ्या. यात आवश्यकतेनुसार मीठ घाला. कणिक मळल्यानंतर लगेचच या चपाती करायला घ्या. कारण हे पीठ मळून ठेऊ नका. तसेच याची चपाती करत असताना जाडसर लाटावी. ज्यामुळे ती गुबगुबीत होते अन् चवीलाही छान लागते.