Immunity Tips: मुलांच्या आहारात 'या' पदार्थांचा समावेश कल्यास वाढू शकते प्रतिकारशक्ती

Immunity Tips: घरात लहान मुले आहेत त्या प्रत्येक घरात मुलांच्या आरोग्याची काळजी घेणे गरजेचे असते. बदलत्या वातावरणात लहान मुले लवकर आजारी पडतात. याचे मुख्य कारण म्हणजे त्यांची कमकुवत प्रतिकारशक्ती असते.

अशावेळी मुलांची रोगप्रतिकारक शक्ती मजबूत करणे आवश्यक आहे. यासाठी तुम्ही त्यांच्या आहारात काही गोष्टींचा समावेश करू शकता. मुलांना या गोष्टींचा फायदा होऊ शकतो. चला जाणून घेऊया अशा कोणत्या गोष्टी आहेत ज्या मुलांना खायला दिल्या पाहिजे.

 मुलांना पुढील गोष्टी खायला द्याव्या

दही

दह्यामध्ये प्रोटीन, कॅल्शियम, लॅक्टोज, लोह आणि फॉस्फरस मुबलक प्रमाणात असते. या सर्व गोष्टी रोगप्रतिकारक शक्ती मजबूत करण्याचे काम करतात. अशा स्थितीत मुलांना रोज दही खायला द्यावे.

मध

मुलांची प्रतिकारशक्ती मजबूत करण्यासाठी तुम्ही त्यांना साधे मध खाण्यास लावू शकता. मधामध्ये अँटी-बॅक्टेरियल आणि अँटी-इंफ्लेमेटरी गुणधर्म मुबलक प्रमाणात आढळतात. यामुळे मुलांची प्रतिकारशक्ती मजबूत होण्यास मदत होते.

लिंबूवर्गीय फळं

लिंबूवर्गीय फळांमध्ये व्हिटॅमिन सी मोठ्या प्रमाणात आढळते. जे रोगप्रतिकार शक्ती मजबूत करण्यास मदत करते. तुम्ही तुमच्या मुलांना मोसंबी, लिंबू, संत्री आणि किवी ही फळे खायला देऊ शकता.

अंडी

जर तुमचे मूल अंडी खात असेल तर तुम्ही त्याला हे खाऊ शकता. कारण त्यात भरपूर प्रमाणात जीवनसत्त्वे, ओमेगा 3 आणि प्रथिने असतात. मुलांना अंडी देऊन तुम्ही त्यांची प्रतिकारशक्ती मजबूत करू शकता.

डिस्क्लेमर : सदर लेख फक्त सामान्य माहितीसाठी आहे. सकाळ माध्यम समूह अशा कोणत्याही गोष्टींची पुष्टी करत नाही. अधिक तपशीलांसाठी तुम्ही तज्ज्ञांचे मार्गदर्शन घेऊ शकता.