Mobile and Laptop Hygiene
sakal
आजच्या जीवनात आपण दिवसभर मोबाईल आणि लॅपटॉपच वापरत असतो. ऑफिसमध्ये, प्रवास करताना, घरात, अगदी बाथरूममध्येही आपण मोबाईल घेऊन जातो. दिवसभरात अनेक वेळा मोबाईल हाताळला जातो. लॅपटॉपच्या बाबतीतही असंच होतं. त्याचा कीबोर्ड, स्क्रीन, माऊस किंवा ट्रॅकपॅड आणि इतर भागांना सारखा हात लावला जातो.
आपण नेहमी हात धुतो; पण मोबाईल आणि लॅपटॉप स्वच्छ करायला विसरतो. या साधनांवर धूळ, मळ आणि जंतू जमा होऊ शकतात. त्यामुळे आठवड्यातून एकदातरी काही मिनिटं काढून मोबाईल आणि लॅपटॉप स्वच्छ करणं गरजेचं असतं.
