मृण्मयी देशपांडे
परवा जवळजवळ दोन महिन्यांनी महाबळेश्वरला गेलो. पावसाळ्यामध्ये आम्ही महाबळेश्वरमध्ये फारसे नसतो - कारण महाबळेश्वरमध्ये धुवाधार पाऊस असतो. घरातून अक्षरशः पाऊल बाहेर टाकता येत नाही. घरालासुद्धा ताडपत्रीनं किंवा झड्यांनी पूर्णपणे पॅक करायला लागतं - कारण हवेमध्ये बाष्प इतकं जास्त असतं, की त्यांनी सतत बुरशी लागत राहते. मग घराला उबदार ठेवण्यासाठी सतत कोळसे पेटवा हे उद्योग करत राहावे लागतात..