Navratri 2023 : उपवासाला ‘नो भात, नो पुलाव’; असा बनवा नवरात्री स्पेशल फराळी पुलाव!

Navratri 2023 : नवरात्रीच्या नऊ दिवसात अनेक लोक उपवास करतात. काही लोक धार्मिक भावना म्हणून तर काही लोक डायटिंग म्हणून उपवास करतात. वर्षभर ज्यांना ताटात सगळे पदार्थ पहायची सवय झाली असेल अशांसाठी हे नऊ दिवस उपाशी राहणं सोप्प नसतं.

हे उपवास करण्यात महिलावर्गाची संख्या जास्त असते.उपवास असले तरी इतरांसाठी सर्व स्वयंपाक तयार करून मग उपवासाचा पदार्थ बनवला जातो. बरं काही स्त्रियांना विकनेस असतो तेव्हा त्या स्वत:साठी काही न बनवताच उपाशी राहणे पसंत करतात.  

तुम्हीही उपवास करणार असाल तर ही रेसिपी तुम्हाला नक्कीच फायदेशीर ठरणार आहे. कारण, झटपट होणारी आणि पोट भरणारी ही रेसिपी आहे. बरं ज्या लोकांना भात खायला आवडतो पण नऊ दिवस भातापासून दूर राहणं शक्य नसेल अशा लोकांसाठी फराळी पुलाव बेस्ट असणार आहे.  

नवरात्रीच्या उपवासाच्या नऊ दिवसांमध्ये पुलाव हा एक चवदार आणि आरोग्यदायी पर्याय असू शकतो. ते बनवणे खूप सोपे आहे. (Recipe)

पुलावसाठीचे साहीत्य

वरीचे तांदूळ (एक वाटी), शेंगदाणे (पाव वाटी), बटाटे (२), जिरे (एक चमचे), तूप (दोन चमचे), हिरव्या मिरच्या (४), कोथंबिर, पाणी (२ वाट्या) मीठ (चवीनुसार)

फराळी पुलावची कृती

1. प्रथम बटाटे उकडण्यास ठेवा. आणि तांदूळ धुवून पाण्यात भिजवत ठेवा.

2. बटाटे कापून तव्यावर हिरव्या मिरच्या घालून तळून घ्या. आता कढईत तूप गरम करून शेंगदाणे परतून घ्या. नंतर जिरे टाका आणि नंतर बटाटे घालून मिक्स करा.

3. आता या मिश्रणात तांदूळ करून घाला. यानंतर पाणी, मीठ आणि शेंगदाणे घालून उकळी येऊ द्या. 

4. भात शिजल्यावर गॅस बंद करून हिरव्या कोथिंबिरीने सजवा. तुमचा फराळी पुलाव तयार आहे तो तूम्ही गरमागरम सर्व्ह करा. (Healthy Food)