Wedding Muhurat 2023 : लग्नाळुंसाठी नवं वर्ष जाणार आनंदाचं! तब्बल आठ महिने असणार मुहूर्त!

Wedding Muhurat 2023 : लग्न करणाऱ्या लग्नाळुंसाठी एक खूशखबर आहे. नवीन वर्षात यंदा लग्नाचे खूप मुहूर्त (Wedding Muhurat) आहेत. यावर्षी तब्बल 8 महिने सनई चौघडे वाजणार आहेत. म्हणजेच, 2023 मध्ये जुलै ते ऑक्टोबर हे चार महिने वगळता इतर आठ महिन्यांत लग्नाचे मुहूर्त असणार आहेत.

या वर्षभरात लग्न समारंभांची (Shubh Vivah Muhurat 2023) मोठी धूम पाहायला मिळणार आहे. नवीन वर्षाला आजपासून सुरुवात झाली असून 2023 मध्ये कोणत्या महिन्यात, कोणत्या तारखांना लग्नाचे मुहूर्त आहेत ते आपण जाणून घेऊ. 2023 हे लीप वर्ष नसल्यामुळं फेब्रुवारी महिन्यात 28 दिवस आहेत, त्यामुळं संपूर्ण वर्षाचे दिवस 365 असणार आहेत.

हिंदू पंचांगानुसार, 2023 मध्ये लग्नासाठी तब्बल 64 शुभ मुहूर्त आहेत. त्यापैकी जानेवारीत 9, फेब्रुवारीमध्ये 13, मार्च 6, मे 13, जून 11, नोव्हेंबर 5 आणि डिसेंबरमध्ये 7 लग्नाचे शुभ मुहूर्त आहेत.

लग्नासाठी शुभ मुहूर्त

• जानेवारी 2023 - 15, 16, 18, 19, 25, 26, 27, 30, 31

• फेब्रुवारी 2023 - 6, 7, 8, 9 10, 12, 13, 14, 15, 17, 22 23, 28

• मार्च 2023 - 1, 5,6, 9,11, 13

• मे 2023 - 6, 8, 9, 10, 11, 15, 16, 20, 21, 22, 27, 29, 30

• जून 2023 - 1, 3, 5, 6, 7, 11, 12, 23, 24, 26, 27

• नोव्हेंबर 2023 - 23, 24, 27, 28, 29

• डिसेंबर 2023 - 5, 6, 7 8, 9, 11, 15

हिंदू पंचांगानुसार एप्रिल, जुलै, ऑगस्ट, सप्टेंबर आणि ऑक्टोबर या महिन्यात लग्न करता येणार नाही.