सबस्क्राईब करा
आजकाल मुलांना समजून घेणं हे कठीण काम बनले आहे. कारण, मुलं सोशल मिडिया आणि रिल्सच्या जगात इतके रमले आहेत. की, त्यांना अनेक मानसिक आजारांनी ग्रासले आहे. त्यापैकी एक म्हणजे आजकालच्या मुलांना एकटे रहायला आवडते. घरी कोणी नसेल तर त्यांचा वेळ छान जातो असे पालकांच्याही लक्षात आले आहे.
या एकटे राहण्याच्या सवयीमुळे मुलांमध्ये नैराश्य अन् भिती यांसारखे आजारही होत आहेत. मुलांची ही एकटे राहण्याची सवय बंद व्हावी, मुलांची एकटे राहण्यामागील मानसिकता नक्की काय आहे हे जाणून घेण्यासाठी पालकांनी एक नवा फंडा शोधला आहे. (Parenting Tips)
काय आहे हॅपिनेस फॅक्टरी
दक्षिण कोरियातील अनेक पालक स्वतःच्या इच्छेनुसार तीन दिवस “हॅपिनेस फॅक्टरी” मध्ये बंदिस्त राहण्यास प्राधान्य देत आहेत. इथे हॅपीनेस फॅक्टरीमध्ये छोट्या खोल्यांमध्ये पालक स्वत:ला कोंडून घेतात.
इथे राहणाऱ्या पालकांना लॅपटॉप आणि फोन सोबत ठेवण्याची परवानगी नाही. येथे, खोलीच्या दारात "फीडिंग होल" आहेत ज्यातून बाहेरील जग अनुभवता येते. त्यांना तिथे निळा ड्रेसकोड घालण्यास दिला जातो. या काळात खोलीच्या भिंतीच त्यांचा सोबती असतात.
हे अशा लोकांद्वारे केले जाते ज्यांची मुले इतरांमध्ये मिसळण्याऐवजी एकटे राहणे आणि समाजापासून दूर राहणे पसंत करतात. अशा परिस्थितीत पालक सुखाच्या कारखान्यात कैद होऊन राहतात. जेणेकरून जगाच्या गजबजाटापासून दूर एकांतात वेळ घालवताना कसा वाटतो हे कळू शकेल.
हॅपीनेस फॅक्टरीमध्ये दिवस घालवलेल्या पालकांचे म्हणणे आहे की आता ते त्यांच्या मुलांच्या भावना चांगल्या प्रकारे समजून घेऊ शकतात.
काय सांगतो सर्व्हे
समाजापासून वेगळे राहणाऱ्या लोकांना जपानमध्ये 'हिकिकोमोरी' म्हणतात. हा शब्द दक्षिण कोरियामध्ये लोकप्रिय आहे. आरोग्य कल्याण मंत्रालयाने 19 ते 34 वर्षे वयोगटातील 15 हजार तरुणांमध्ये केलेल्या सर्वेक्षणात असे आढळून आले आहे की, त्यापैकी पाच टक्के तरूण समाजापासून दूर राहणे पसंत करतात.
काही काळ एकटे राहण्याचे अनेक फायदे आहेत.
अनेक वेळा जेव्हा आपल्याला एखाद्या समस्येवर उपाय शोधायचा असतो तेव्हा आपण एकटे बसून तो उपाय शोधू शकतो. कारण एकटे राहणे माणसाची विचार करण्याची आणि समजून घेण्याची शक्ती वाढवण्यास मदत करू शकते. तसेच, जेव्हा मनाला शांती मिळते तेव्हा ती व्यक्ती आपले काम सहजतेने सर्जनशील पद्धतीने करू शकते.
सोलो ट्रिप
काही लोक सोलो ट्रिपला जातात, तर काही लोक शांतता शोधण्यासाठी अनेक ठिकाणी जातात. ही गोष्ट आजच्या तरुणाईमध्ये सर्वाधिक दिसून येत आहे. शांतता मिळवण्यासाठी तो काही दिवस ध्यान केंद्रात जातो.
अशी अनेक ठिकाणे आहेत जिथे तुम्हाला मोबाईल फोन आणि लॅपटॉप वापरण्याची परवानगी नाही. त्यापेक्षा तिथे एकांतात घालवावे लागेल. अशा ठिकाणी एकटे राहणे, संसाराच्या गजबजाटापासून दूर राहणे, तणाव कमी करण्यास उपयुक्त ठरू शकते.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.