Emotional Control : राग येण्यापूर्वी ‘थांबा’! घाई, चिडचिड आणि चुकीचे निर्णय थांबवण्याचा जादुई उपाय!

Emotional reactions : आजच्या वेगवान, गोंधळलेल्या आणि माहितीने भरलेल्या जगामध्ये आपण सतत धावत असतो. काम, घर, नातेसंबंध, जबाबदाऱ्या, अपेक्षांमुळे हा प्रवास इतका वेगवान होतो की, स्वतःकडे लक्ष देणं, स्वतःला समजून घेणं किंवा आपल्या भावनांशी संवाद साधणं हेच आपण विसरून जातो. .कामाचा ताण, जबाबदारी, नातेसंबंध, सोशल मीडियावरची तुलना, सतत काहीतरी गाठण्याची धडपड, यामुळे आपण जणू ‘ऑटोपायलट मोड’वर जगत असतो. दिवस जातात, घटना घडतात, भावना उसळतात, आपण त्यावर प्रतिक्रियाही देतो. या घाईत अनेकदा चुकीची वाक्ये बोलून जातो, चुकीचे निर्णय घेतो किंवा कोणाच्या तरी मनाला लागेल असं वागतो..यावर एक साधा, पण प्रभावी उपाय आपल्याच हातात आहे आणि तो म्हणजे एक छोटासा विराम (पॉज)! हा छोटासा ‘पॉज’ भावनांना थांबवतो, विचारांना स्थिर करतो आणि योग्य निर्णय घेण्यासाठी एक मोलाची संधी देतो. हा विराम म्हणजे परिस्थितीकडे अधिक स्वच्छ, शांत आणि जागरूक नजरेने पाहण्याची ताकद मिळवणं आहे. .अशा योग्य वेळी विराम घेण्याच्या तंत्राला ‘पॉवर ऑफ पॉज टेक्निक’, म्हणजेच ‘क्षणभर थांबण्याची कला’ असे म्हणता येईल. हे तंत्र आपल्याला शिकवते की, दडपण, ताण, राग, भीती किंवा गोंधळाच्या क्षणी लगेच प्रतिक्रिया देण्याऐवजी एक छोटा ‘पॉज’ घ्यायचा. हा पॉज अगदी काही सेकंदाचा असला, तरी तो उपयोगी, प्रभावी ठरतो.‘पॉज’ का घ्यावा?आपल्या मेंदूची रचना अशी असते की, संकटाच्या क्षणी तो पटकन ‘रिऍक्ट’ करतो. मात्र, बहुतांश वेळेला प्रतिक्रियेची नाही तर, प्रतिसादाची गरज असते. जाणीवपूर्वक, विचारपूर्वक दिलेला प्रतिसाद. प्रतिक्रिया (रिॲक्शन) म्हणजे एखाद्या कृतीला तत्काळ दिलेले उत्तर, तर प्रतिसाद (रिस्पॉन्स) म्हणजे एखाद्या कृतीला विचार करून दिलेले उत्तर..प्रतिसादामुळे -वाद, भांडणे, गैरसमज कमी होतात.आपण भावनिक निर्णय घेण्यापासून स्वतःला थांबवतो.संवाद अधिक स्पष्ट, प्रभावी होतो.स्वतःला आणि इतरांना समजून घेण्याची क्षमता वाढते.आपण अधिक परिपक्व होतो..‘पॉज टेक्निक’ कसे वापरावे?श्वासावर लक्ष द्या : पॉज घेण्याचा सर्वांत सोपा मार्ग म्हणजे एक दीर्घ श्वास घ्या. ही कृती छोटी असली, तरी ती भावनांना थोडे शांत करते.परिस्थितीचे निरीक्षण करा : त्या क्षणी काय बोललं जातंय? नेमकी कोणती भावना मनात निर्माण झाली आहे? परिस्थिती किती गंभीर आहे? हे शांतपणे निरीक्षण करून तपासा.स्वतःला प्रश्न विचारा : ‘माझी ही प्रतिक्रिया खरोखर योग्य आहे का?’ हा एक छोटासा प्रश्न तुमची दृष्टी व कृती बदलू शकतो.योग्य शब्द, कृती निवडा :‘पॉज’नंतर केलेली कृती जास्त प्रगल्भ, शांत आणि परिणामकारक असते.‘पॅटर्न’ बनवा : दररोजच्या जगण्यातही योग्य वेळी छोटे-छोटे पॉज घेण्याचा सराव करा. जसे की, प्रश्नाचे उत्तर देण्यापूर्वी, राग येण्यापूर्वी, निर्णय घेण्यापूर्वी, नकार देण्यापूर्वी, इ. .बदलाची नांदीक्षणभर थांबण्याची ही कला तुमच्या व्यक्तिमत्त्वाला एक वेगळा आकार, महत्त्व देते. तुम्ही अधिक शांत, विचारशील आणि भावनिकदृष्ट्या ‘बॅलन्स्ड’ म्हणजेच संतुलित दिसता. लोक तुमच्यावर अधिक विश्वास ठेवतात. तुमच्या शब्दांना किंमत देतात आणि तुमचा संवाद अधिक प्रभावी होतो. .नात्यांमध्येसुद्धा हा ‘पॉज’ अत्यंत महत्त्वाचा आहे. विचार करायला वेळ न दिल्यामुळे आपण चुकीचे वागू-बोलू शकतो, समोरच्याला दुखावू शकतो, पण एक छोटासा विराम आपल्याला हे सगळं टाळायला मदत करतो. त्यामुळे लक्षात ठेवा, विराम ही एक शक्ती आहे. थांबणं म्हणजे वेळ किंवा संधी गमावणं नसून, आपल्या विचारांना आणि भावनांना नियमित, नियंत्रित करणे आहे. .Fashion Tips : सिंपल पण क्लासी! ऑफिससाठी मिनिमल ॲक्सेसरीज निवडण्याच्या या खास टिप्स.थांबणं ही दुर्बलता नसून, आत्मनियंत्रण आहे. ‘पॉवर ऑफ पॉज टेक्निक’ ही अनेक संघर्ष, गैरसमज आणि घाईघाईत घेतलेले चुकीचे निर्णय टाळण्याची एक सुरक्षित, प्रभावी पद्धत आहे. काही क्षण थांबून तुम्ही मोठा बदल घडवून आणू शकता - स्वतःमध्ये, आणि तुमच्या संपूर्ण व्यक्तिमत्त्वामध्ये!

Emotional Control : राग येण्यापूर्वी ‘थांबा’! घाई, चिडचिड आणि चुकीचे निर्णय थांबवण्याचा जादुई उपाय!

Related Stories