Pi Day 2026: 'या' कारणामुळे 14 मार्चला साजरा केला जातो 'पाय डे'! जाणून घ्या इतिहास, महत्त्व आणि काही रंजक गोष्टी

History, Significance Of Pi Day & Interesting Facts About Pi: गणितातील सर्वात महत्त्वाच्या संख्यांपैकी एक म्हणजे पाय (π). हा वर्तुळाच्या परिघाचा व्यासाशी असलेला प्रमाण दर्शवणारा अपरिमेय अंक आहे, ज्याची दशांश स्थाने अनंत असून ती पुन्हा कधीही पुनरावृत्त होत नाहीत. पायचे सुमारे मूल्य 3.14159 असले तरी त्याची दशांश मालिका अखंड सुरु राहते.

पायचा उपयोग भूमिती, अभियांत्रिकी, भौतिकशास्त्र, संगणकीय गणित आणि क्रिप्टोग्राफीसारख्या अनेक क्षेत्रात मोठ्या प्रमाणावर केला जातो. विशेषतः वर्तुळ, लहरी, दोलन आणि आकृतीसंबंधी गणनांमध्ये पाय अनिवार्य आहे. म्हणूनच पाय जगातील सर्वाधिक वापरल्या जाणार्‍या गणितीय स्थिरांकांपैकी एक आहे.